ORANJESTAD (AAN): Semper tabata e deseo di Roy Kelly pa bini un dia cu un fundacion netamente Arubano pa yuda engrandece e cultura di e Arubiano na Hulanda.
Roy no ta un persona desconoci na Hulanda como cu e ta e fundador di e website mas bishita bao di Arubiano na tera friew esta www.Arubiano.eu. Roy ta yiu di Shon Pa Kelly y ruman homber di Rey di Tumba 2010 esta Jeffrey Kelly.
Cu ayudo di Ina Maduro (Penningmeester), Vanessa Kelly (secretaris) y Addonsito Croes (bestuurslid) e luna aki finalmente Stichting Arubiano a ser funda.
Riba nan mesun costo e 4 personanan aki a dicidi pa uni forza y lanta e fundacion. Cada un di nan ta personanan cu tin experiencia den e promocion di e cultura Arubano.
Algun cos cu ta riba e agenda ta e lanzamento oficial na un forma festivo cu ta bay tuma lugar dentro di poco. Tambe eventonan cu tin di haber cu mantencion di e cultura Arubano bibo na Hulanda entre otro un Special Award nobo ta na caminda. Tambe stimulacion di escritornan Arubano cu talento grandi pero cu no tin e caminda corecto pa cana ta den e planes di e fundacion aki;
For di aki Fundacion Arubiano kier manda nan mensahe pa tur Arubiano pa semper tene e cultura di Aruba na halto demostrando na mundo henter con grandi y inovativo nos como Arubiano ta.
Cualkier idea cu por contribui na engrandece nos cultura ta Bon Bini. E forma pa haci esaki ta door di bishita nos website www.stichtingarubiano.com (contact bestuursleden).
Tambe por manda un email na cada un di e miembronan: Voorzitter: Roy Kelly cu su Emailadres: Roykelly@stichtingarubiano.com
Tambe Penningmeester: Ina Maduro cu su Emailadres: Laina@stichtingarubiano.com
Tambe tin Secretaris: Vanessa Kelly cu su Emailadres: Vanessa@stichtingarubiano.com
Bestuurslid: Addonsito Croes cu su Emailadres: Addonsito@stichtingarubiano.com
Riba e website hopi informacion ta ser brinda na nos bishitantenan di habla Hulandes y Papiamento. E Arubiano di trimester ta un seccion clave, cuminda Arubiano, E bida en general na Hulanda, direccionan importante di otro fundacionan y mentornan y tambe informacion tocante di e Himno y Bandera di Aruba ta ser haya.
hopi bon mes
Pronto lo mi inscribi mes