Guillermo Arends di 77 aña a bira di 8 morto den trafico pa 2010
Curpa di Gem ta den beslag pendiente investigacion…
ORANJESTAD (AAN): Aruba den apenas dos luna a yega na e cifra di ocho morto den trafico pa aña 2010. E di ocho morto a bira conoci diadomingo anochi. Aki ta trata di Guillermo Arends naci na Aruba 10-02-1933. E persona aki a ser gedal pa un auto na Catiri. Despues cu el a bira victima di accidente el a ser hiba pa Dr Horacio Oduber Hospital. Parce cu polis a tarda pa haci investigacion. Un specialista di trafico pa e area di Noord no kier a duna su cooperacion.
Finalmente polis tin poco dato di e desgracia aki pasobra un investigacion intensivo no a tuma lugar.
Diadomingo anochi Guillermo a fayece y tabata te dialuna den dia autoridad a ser notifica di su morto. Autoridad a dicidi di tuma e curpa den beslag pa mas informacion.
DIARIO a tuma contacto cu Aurora Funeral Home cu lo bay haci e tramitenan necesario pa dera e persona aki. Guillermo Arends conoci como “Gem” tabata ex empleado di Lago, tambe a traha na Caribbean Hotel, Concord Hotel y tambe Radisson Hotel.
E entiero lo sosode na momento cu autoridad duna e curpa liber. Paz na su restonan y hopi forza na e famia.
Marina Tromp B.V.
Un Aruba geprop.
E problema di Aruba su trafico ta: cu e ultimo 20 añanan di Aruba, un gang di “Bende Patria” (Politiconan)hambra pa “PODER” a bende Aruba den su teritorio mes cu extranhero i awe Aruba ta geprop di hende cu no tin lugar pa stuur auto trankil i tur hende ta pura debido na e DRUK–HEID den trafico accidente ta bira legal pasobra tur hende tin pura, sin conta alcahol, droga robo atraco i mas den trafico!!!
h.ignacio
Marina tromp mi ta nabo rason i e specialista di trafico di noord mester wordo geschorst pa 1 luna sin salario pe sinti ki dushi biba ta,of ora eta perde un ser keri.danki