ORANJESTAD (AAN): Recientemente, Señores Diana y John Ginley a worde honra como huesped distingui pa e isla di Aruba.
Nan ta procedente di Massapequa Park, New York y tin 12 aña consecutivo bishitando nos isla.
E acto di entrega a tuma lugar na Divi Aruba All Inclusive Resort, e hotel unda nan ta hospedando.
E pareha aki a bishita varios destinacionan rond di mundo y semper a considera Aruba como e number un.
Tambe nan a comenta cu Aruba ta nan di dos cas y un di e motibonan pa cual nan ta bin back tur aña ta pa nos hendenan amabel, hospitalario y tambe pa e seguridad cu ta reina na e pida baranca aki.
Nan a trece diferente famia y amistadnan den transcurso di añanan pa asina nan tambe por sera conoci cu e paraiso Aruba.
Presente tabata Señora Brisley Flanegin, representante nan di Divi Tamarijn como tambe Rayon Koolman, representante di Direccion di Turismo.
