Home Cultura Local y turistanan a celebra hunto nos Dia Nacional na Renaissance Marketplace

Local y turistanan a celebra hunto nos Dia Nacional na Renaissance Marketplace

1
0
SHARE
- Advertisement -

ren_IMG_2101ORANJESTAD (AAN): Manera a keda priminti, Renaissance Marketplace no a laga e fecha importante di nos simbolonan patrio pasa bao mesa.

   Diahuebs anochi 18 di Maart, e plaza di e centro comercial tan gusta aki tabatin atraccionnan adicional prepara pa asina celebra, manera mester ta, nos Dia di Himno y Bandera.Renaissance Marketplace a wak e ocasion aki como un oportunidad excelente no solamente pa celebra cu e pueblo di Aruba, pero tambe pa comparti e orguyo y alegria cu e bishitantenan di exterior. Di e manera aki por laga nan conoce tambe un poco mas di Aruba y su cultura.

   E obhetivo ey a keda logra ora cu na Renaissance Market Place tabatin un mezcla di publico local y turista cu a disfruta di e ambiente y musica, sin laga afo di e cuminda y bebidanan crioyo. Esnan cu tabata presente na Renaissance Marketplace a biba cu e ritmo dushi di Rincon Boyz. Nan repertorio rico den tradicion a sa di pone nos hendenan move pia. Turistanan contagia cu e dushi alegria a sigui nan tras copiando e pasonan.

En fin, tabata un anochi sumamente agradabel di cual Renaissance Marketplace ta hopi satisfecho di por a goza y celebra hunto cu su clientenan e dia importante aki pa nos pais Aruba   

- Advertisement -

DUNA COMENTARIO

Please enter your comment!
Please enter your name here