Mama a haya biga den cabez y ruman herida cu piedra den cabez
ORANJESTAD.(AAN): — Polis a bay atende un atende un asistencia na Pos Chikito Complex. E yamada tabata pa solicita polis na e compleho dialuna pa dos ‘or y mey merdia. Na momento cu polis a presenta nan a haya nan mes confronta cu un problema familiar no usual. Pa prome polis a atende e señora mama di inicialnan D.G. di 62 aña di edad cu a splica cu e tin yiunan morocho di inicialnan M.T. y D.T. E rumannan a bringa cu otro y na dado momento D.T. a pasa man pa un biga y a zwaai esaki den direccion di su ruman homber M.T. Pero consecuentemente e biga a dal e mama na cabez.
E mucha homber D.T. a declara despues na polis cu cada biaha su ruman M.T. ta bisti su paña.
E biaha aki el a reclama y su ruman M.T. a rabia y menace y dale cu piedra den cabez. E piedra den cabez a pone D.T. rabia formal y pa cual el a pasa man pa un biga.
Ora el a zwaai e obheto esaki a bay dal su mama den cabez. Ambulans su presencia a wordo solicita y paramediconan a haya ta necesario pa transporta tanto mama y rumannan morocho rumbo pa Horacio Oduber Hospital pa nan ricibi tratamento medico. No ta conoci si denuncia a wordo entrega relaciona cu e sucedido.
