MEP a entrega mas di 1.7 miyon meter cuadra pa construccion di mas hotel y condominium
Parlamentario Yrausquin a haya contesta di Minister di Infrastructura…
Tur raport cu Gobierno di MEP a haya a worde benta den bari di sushi!
ORANJESTAD (AAN): Diabierna ultimo Minister di Infrastructura a contesta preguntanan di Parlamentario Juan David Yrausquin tocante terenonan otorga pa construccion di Hotel y Condominium. Esaki ta e preguntanan cu e Parlamentario a haci dia 3 di november, 2009, algun dia despues cu el a worde huramente como Parlamentario.
Den opinion di e Parlamentario e resultado di e preguntanan aki no ta mucho positivo. Ta resulta cu Gabinete Oduber III y IV, contra tur conseho, estudio y plannan cu nan mes a traha, a entrega 1.727.177 m2 pa construccion di mas hotel y condominium riba nos pais.
Cu esaki a duna permiso pa construi mas di 3 mil camber adicional. Esaki ta sin conta tur e terenonan pa hotel y condominium cu a worde entrega y a worde construi den e ultimo 8 añanan bou di maneho di partido MEP y sin conta e hotel y condominiumnan cu ta kedando cla na e momentonan aki.
Estudionan di Aruba 2025, Ruimtelijk Ontwikkelingsplan, Carrying Capacity y Sam Cole a demostra cu construccion di mas hotel riba nos isla no ta beneficia nos comunidad.
Ta conoci tambe cu mas camber di hotel ta significa mas immigracion for di exterior y cu den e ultimo 8 añanan nos poblacion a crece for di mas o menos 90 mil hende pa 110 mil hende mientras e cantidad di camber di hotel a crece cu mas o menos 1 mil camber.
Aruba 2025 ta calcula cu si sigui cu e desaroyo di mas hotel y condominium manera tabata e plan di Partido MEP esaki lo significa cu Aruba lo tin mas o menos 300 mil habitante den aña 2025.
Dentro di algun dia lo discuti e maneho pa cu e compromisonan cu MEP a laga pa nos pueblo den un reunion publico cu fraccion di AVP a pidi. Den e dianan nos dilanti e Parlamentario di AVP lo amplia mas riba e desaroyo sumamente preocupante aki.
Marina Tromp B.V.
Ta ki dia e “TAL” Investigashon Cientifico ta cuminsa anto??? Tur parti di mundo a hiba criminalnan di nek blanko prizon pa nan echonan corrupto, hasta na Antillas Hulandes a laga sera politiconan corrupto, ta na Aruba so corrupshon tin derecho, mester cuminsa screen Pg fiscal i huez nan cu ta bin Aruba traha pasobra ta na Aruba so e systema huridico tin cosnan straño ta sigi tuma lugar.
Tanto bal Gobierno nobo of Gobierno bieu toch “Bril di Palo” ta sigi ser Popular i mas bendi!!!
waya
MEP TA LADRON LADRON Y LADRON KU TA PENSA ARIBA NAN SAKO SO Y NO ARIBA ARUBA! MI TA KONTENTO KU AVP TA MINSISTER AWOR MIRA TUR DIA E TA DEN KORANT MIRA KUANTO EHNDE E TA YUDANO Y E TA HASIENDO HOPI KOS PA ARUBA Y MEP NUNKA A HASI ESEYNAN AWOR KU NAN A PERDE NAN KEIR KORE HASI NAN TA LAAAAAAAAT AWOR! DRECHI KU BOSO A PERDE
hubert ignacio
Parlamentario yrausquin awor ku nos no tin mucho tereno mas,ora nos mester tereno pa nos hendenan
lokal laganan bai kumpra tereno na nos ministernan di Mep,paso eynan bo ta haja terena di biaha.un paar di mil bao mesa ba keda kla.