Minister Sevinger a gradici tur esnan cu a coopera cu e protocol di awa
ORANJESTAD (AAN): Durante conferencia di prensa di Gobierno relaciona cu firmamento di un protocol pa yuda criadornan di bestia y agricultornan pa haya awa di WEB cu ta worde uza pa spula equipo, Minister Benny Sevinger a gradici tur persona envolvi den e proyecto. El a elogia e manera creativo cu a busca un solucion pa yuda e cunukeronan cu ta planta y ta cria bestia.
Ora bo haya bo mes den un temporada unda cu awa no a yobe, bo tin cu busca solucion y e protocol firma sigur lo yuda.
E protocol ta bay duna un speranza na e agricultornan y e criadornan di bestia, pa den futuro si awa no yobe, of yobe tiki. Minister Sevinger a gradici tambe DOW.
El a bisa cu ora cu e yamada a yega cerca nan nan tabata cla pa yuda
Entre otro tambe lo uza e awa cu ta bin for di e waterzuiveringsinstallatie na Parkietenbos.
Nan a pone algun rekisito riba papel cu tin mester y cu ta den e protocol, pa cumpli cu esaki.
