Home General Motibonan strategico y geo-politico mester hunga un rol importante pa purba atrae...

Motibonan strategico y geo-politico mester hunga un rol importante pa purba atrae Petrobras

1
0
SHARE
- Advertisement -

petrobrasPesey contribucion di Reino Hulandes ta importante, segun Premier Eman
ORANJESTAD (AAN): Ayera durante un conferencia di prensa a puntra Prome Minister Mike Eman di con ta bay busca via Hulanda e contacto cu Petrobras. Segun Prome Minister e industria aki ta importante pa tene stabilidad di un pais tambe. E no ta solamente interes personal pero uno di embergadura nacional. A señala cu Petrobras ta accesible pa nos tur dia. A señala cu na e momentonan aki e mercadonan mundial economico no ta atractivo pa tin e operacion di un refineria.
Kiermen mester tin otro motibonan cu un refineria di e indole di Aruba por atrae companianan di estado manera Petrobras. Akinan ta trata di motibonan strategico, geo-politico ta hunga un rol cu kier crea stabilidad den e region aki y esey ta unda e contribucion di Reino Hulandes ta hopi importante pa hunto establece cu no ta simplemente un actividad comercial, pero ta tambe e presencia di un industria cu ta yuda mantene stabilidad den un region cu tin su retonan importante, Prome Minister a manifesta.

Si tabata puro interes comercial, a agrega, pa busca un partner, por ta e ora ey Valero no lo tabata tin mester ni di gobierno di Aruba ni di gobierno di Reino.

Mirando cu mester purba di motiba esnan cu nos por atrae pa cu e refineria for di un aspecto geo-politico eynan ta unda e contribucion di Reino Hulandes ta importante, a enfatiza.

Finalmente, Minister Presidente a añadi cu a palabra cu na momento cu por tin un interes di parti di Petrobras y e gobierno di Brasil cu te eynan e rol di Hulanda lo yega. Aruba y Valero naturalmente lo tuma over.

A cuminza for di un punto caminda Petrobras a bandona Aruba dos aña pasa y a bisa cu no tin interes den e refineria. Ta e buelta ey tin cu trece den un posicion cu ya caba tabata negativo pa un posicion cu ta bira positivo.

- Advertisement -

DUNA COMENTARIO

Please enter your comment!
Please enter your name here