Home General Mucha di 8 aña home alone a pega cas y negoshi na...

Mucha di 8 aña home alone a pega cas y negoshi na candela na San Nicolas

1
0
SHARE
- Advertisement -

cascandela1ORANJESTAD (AAN)— Pa mas of menos 2’or di merdia di ayera, central di Brandweer a bati alarma pa un cas na candela den area di San Nicolas. E suceso a tuma lugar den un cas situa na Caya Charlie Brown Sr., net patras di Charlie’s Bar. E vivienda tabata fungi como un apartament y tambe un parti di dje tabata fungi como un kap salon. Pa lo cual ta trata e candela mes, esaki aparentemente a worde ocasiona intensionalmente pa un mucha di 8 aña cu tabata su so na cas. Segun testimonionan di bisiñanan di e cas, esaki ya tabata e di dos biaha cu e mucha aki a hera pega e cas na candela, pero apesar cu biaha pasa el a haya un scual pisa, esaki aparentemente a drenta via un orea y sali pa e otro.


E personal di e Kap Salon a ripara e situacion pero mucho nan no por a haci ya cu mas of menos un ¼ parti di e cas tabata dividi pa un muraya cu ta separa e apartament di e kap salon.

Nan a purba pa muha e muraya pero e calor y accion di e huma y vlamnan tabata hopi intenso y nan a opta pa scapa lo cual cu nan por y sali na careda.

Un otro persona cu tambe tabata den e kap salon, a declara cu el a laga su tas cu documentonan y otro articulonan den e kap salon y a bisa e otro personanan cu e ta bay bolbe den un djis y cu den cos di un par di minuut cu el a sali el a bin haya e situacion y hasta su tas a pega candela, unicamente por a scapa algun documento cu tabata visiblemente daña pa e huma y hasta un poco kima.

Un unidad di Brandspuit a presenta na e sitio y un otro cu tabata biniendo for di Playa pa duna asistencia, a bolter na rotonde di Pos Chikito, sin embargo un otro unidad tog a presenta pa duna asistencia.

Personal di Brandweer por a yuda scapa e cas na banda, sin embargo e cas cu a fungi como apartament y kap salon si a bay perdi completamente.

Diario tabata presente na e sitio y por a constata cu lamentablemente tur cos paden a keda totalmente destrui door di e candela.

Poco despues di a controla e candela, e dama cu tabata ocupa e apartament a presenta cu su yiu y cu hopi yoramento por a mira con tur su pertenencianan tabata destrui, sin embargo nos por a tuma nota tambe cu hopi desaprobacion cu e mucha tabata manera nada un pasa. E caso awor lo pasa den man di KZP y Sociale Zaken.

- Advertisement -

DUNA COMENTARIO

Please enter your comment!
Please enter your name here