Mucha muher a guli veneno di djaca
ORANJESTAD (AAN): Ambulans diamars atardi 5’or y 30 minuut a notifica central di polis cu e ta na caminda pa hospital. Nan tabata transportando un patient (mucha muher) basta grave cu a come of guli veneno di djaca. E paramedico a suplica pa dirigi patruya na un direccion situa na Matadera pa busca e saco of artefacto cu tabata contene e veneno y pa hibe mesora poli relaciona cu e tratamento. Mientras tanto patruya mesora a worde instrui pa bay na e cas.Polis a papia cu bisiñanan y segun nan version, nan a scucha e mucha muher ta grita y su so lo tabata na cas y mama tabata trahando.
Bisiña no a vacila ora nan a scucha grito nan di auxilio y nan a forza kibra porta pa asina drenta den e cas.
A bin descubri e mucha muher di 15 aña patras di e cas benta na suela y e tabata den un situacion cu a usa slang di awa pa haci su curpa limpi debi cu e tabata tur saca. A yama mesora ambulans y a notifica mama di e mucha muher.
Locual ta e saco of boter cu ta contene veneno di djaca por menciona cu polisnan no a localiza esaki. No tabata tin mas informe adicional riba e situacion di e mucha muher.
