Na Hulanda tin e posibilidad pa interna choller den clinica di rehabilitacion
Segun Fiscal Mayor,
pero e ta caro
ORANJESTAD(AAN): Diamars durante un entrevista a puntra Fiscal Mayor Peter Blanken tocante e problema di choller na Aruba y e ultimo desaroyonan pa cu esaki. Segun Blanken, si e wak e situacion na Hulanda pa loke ta e adictonan cu ta comete hopi crimen pa satisface na adiccion, na Hulanda ta existi medidanan contra esaki. E medidanan sinembargo ta medidanan hopi caro. Tin por ehempel e posibilidad pa cera e adictonan den un instituto special pa esnan cu cada vez ta sigui comete crimen y esey ta nifica cu ora nan comete un cantidad di crimen y nan wordo castiga pa esaki( 3 hecho den 2 aña), nan por wordo interna den un di e clinicanan aki, unda cu lo traha riba nan rehabilitacion.
Ta purba kita nan adiccion y percura pa nan por integra bek den comunidad. Esey ta pues un posibilidad cu lo mester por bin tambe pa e chollernan na Aruba. Segun Blanken, e tin entendi cu e Minister tin plannan pa esaki caba y cu si esaki ta e caso, Ministerio Publico lo por manda un choller na e tipo di clinica aki, si e ta un di esnan pues cu ta comete hopi crimen den corto tempo.
Tanten cu no tin e posibilidad ey, e choller ta djis haya e castigo debido y mester sinta den prison.
Lo ta mas bunita si pa bin e posibilidad manera cu tin na Hulanda.
