Panico total na MooMba Beach
ORANJESTAD (AAN): Panico y desorientacion total, ta loke testigonan a describi na DIARIO, loke a socede Diamars anochi na Palm Beach, na e establecimento di MooMba Beach. E popular spot pa turistanan pasa y goza di e Bar & Restaurant, a sufri un otro episodio catastrofal. Biaha pasa un candela a destrui parti di e cushina. E biaha aki, un rafaga di biento inespera, a dal duro contra e Gazebo principal cu tin na MooMba, bao di cual tin e.o. e famoso chandelier di botter di cervez, e bar, y area pa huespednan sinta y come.
El a socede den un solo biaha! Testigonan a tende un kraak, varios luz a paga, TV monitors a sali cay, y full e Gazebo traha di rama di mata a kentel banda pabao, cayendo duro riba tur esnan eybao.
Algun a haya golpi directo, di balkinan cu a dal fuerte riba nan cabez. Un di e heridonan a haya un cap mahos na su cabez, y esaki tabata sangra.
Panico, grito, y e scuridad parcial a haci e area bira uno di desorientacion pa tur hende. Inmediatamente yamadanan a cuminza drenta tur caminda, incluyendo na oficina di DIARIO.
Debi na esaki, Polis a ripara mesora cu ta algo grandi a caba di socede, y a manda varios unidad di Polis.
Centro di Alarma na su turno a saca 3 unidad di Ambulans, como tambe Vehiculo di Rescate di Cuerpo di Bombero, como tambe un unidad di Spuitwagen.
Den un rato di ora, e area di Palm Beach a bira inunda cu sonido di sirena. Na MooMba mes, mientras tanto, varios turista a bin ta cuminza aplica prome auxilio na e heridonan.
Entre esnan herida tabatin algun Mericano, como tambe varios Hulandes. Henter e area di Bar a kentel y basha bin abao, y cay riba esnan comiendo na mesa, y esnan sinta na bar.
Danki na prensa, varios Paramedico cu tabata off e anochi ey, a haya sa di loke ta pasando, y nan a mobiliza pa e area.
Esaki ta bin debi cu desde Gobierno a usa sistema di Tetra Radio pa Ambulans, ningun hende (ni voluntarionan) no sa mas kico urgente ta socede riba Aruba.
Bomberonan a yuda pa move sikiera un tiki, parti di e structura cu a bin abao. Por a tende keto bay yoramento, y algun hende gritando. Pero ningun di esnan eybao tabata zundra.
E coordinacion di rescate eybao a bay basta bon. Oficialnan halto di Cuerpo di Bombero tabata supervisa tur cos, y di parti Polis, hasta Halto Comisario Peter de Witte tabata observa tur movimento.
Paramediconan a sa di stabiliza tur pacient, pa asina hiba nan mesora pa Hospital. Servicio di Emergencia a bay den alerta. Varios herido a presenta riba nan mes, y e unidadnan di Ambulans a yega cu en total 8 herido. Cruz Corra tambe a yuda cu un Ambulans.
golden
mi ta lamenta pa tende loke a pasa cu nos bishitante nan,pero mi ta di acuerdo cu loke e redactor a scirbi cu for di dia cu polis , brandweer i ambulase a bay ariba e sistema di tetra e sistema no ta funshona ,aruba tin hopi
emergancy responce team cu voluntarionan bon prepara cu por asisti den cualkier clamidad grandi, pero door cu gobierno a cambia e sistema di comunication, ya nan no ta altanto mas ora algo asina sosode, mi ta hanja cu nos tin cu bay na e sistema bieuw bek.
Erica Webb
laga epicenter check e kaso aki pa no ta un sunami dus temblor di awa danki mi tin tur famia ta biba aruba
eddy maduro
Mi ta hopi sorry di tende loke a pasa y pa e victima nan. porta ta e biento ferte, pero mester laga investiga e construcion di e gazibo. ta un para di luna pasa nan a hasi un vernieuwing di tur e dak nan na moomba, einan tambe mester investiga e hende nan cu a traha ariba di dje.