Polis ta sigui worde neglishi na poli
ORANJESTAD (AAN): A bira tempo si e informe ta corecto pa e instituto Horacio Oduber y polis tin un bon entendimento. Na mas di un ocasion polis lo ta bay poli pa haya cooperacion relaciona cu casonan cual tin di haber cu hincamento, cortamento , tiramento, accidente y otro crimennan y nan no ta haya informacion pa un of otro motibo. Lo ta argumenta nan lo ta stroba, privacidad di e patient y ni nomber nan no por haya. Mientras ta di sumo importancia sikiera pa duna e nomber, fecha di nacimento, reacciona, ken ki situacion e paciente ta, y e poco informe aki ta yuda autoridad pa actua mas rapido.
Si cada biaha tin conflicto, esaki mester bay haya oido debido. Muy en particular hospital tin no solamente vocero pero e tambe ta skirbi den cierto medionan pa cual e mester sa con pa deal e asunto aki pa evita cada vez pa autoridad ta worde strobe pa haya informe relaciona cu casonan y di esnan envolvi .
Por menciona aki e sucedido cual a tuma lugar diamars anochi na Moomba beach. Den esaki tres turista y tres habitante local a pasa scual ora cu direpiente palapa a basha den otro y cu e consecuencia cu nan a worde herida.
E locual a tuma lugar a causa panico y autoridad a actua cu rapidez, ambulansnan di gobierno, cruz cora, brandweer, DOW ademas diferente patruya di polis cu acudi. Ta danki Dios cu locual a sosode no tabata di gravedad.
Direpiente ora cu e dak tabata biniendo abao tabata tin cliente cu a move cu rapidez pa evita di worde alcanza pa palapanan cu forza tabata basha den otro cu e consecuencia ariba menciona.
Finalmente mando di cuerpo policial y gerencia di hospital mester sinta na mesa pa regla e problematico cu cada vez tin discusion y malcontento entre personal di poli y polis.
