Home General Reunion cu Minister Verhagen tabata importante ya cu e lo hiba combersacionnan...

Reunion cu Minister Verhagen tabata importante ya cu e lo hiba combersacionnan cu Petrobras na luna di april

1
0
SHARE
- Advertisement -

mikeemanPremier Eman a indica:
ORANJESTAD (AAN): Manera DIARIO a trece dilanti caba Minister Presidente Sr. Mike Eman tabata tin reunionnan hopi importante na Hulanda riba cual den entrevista cu DIARIO e mandatario a papia un tiki riba nan. Ayera, despues di e viahe aki pa Hulanda, Gobierno a yama un conferencia di prensa. Prome minister Mike Eman a hiba palabra unda el a comenta riba e bishita na Hulanda. E punto hopi importante cu a papia riba dje tabata relaciona cu e refineria, a bisa.
Na e momento aki Gobierno ta den proceso di manda tres ley pa parlamento di Aruba pa busca un solucion pa cu e refineria, a manifesta.

Un otro aspecto importante tambe ta pa e refineria tambe por haya un partner cu cual por garantiza continuidad, a expresa.

E mandatario a sigui bisa cu tin 600 persona trahando pa e refineria paden, pero pafo di e refineria casi 3 mil hende a perde trabao na momento cu el a shut down aña pasa.

Ta sinti e consecuencianan di esaki pa cu nos economia y ta mira tambe e importancia pa busca un solucion pa garantiza cu e refineria por re-inicia, a señala. E alternativa pa cu un situacion caminda no haya un partner ta un alternativa penoso pa esnan envolvi pero tambe un alternativa cu no kier pa cu e economia di Aruba, Premier Eman a declara.

Pesey e reunionnan cu e tabata tin na Aruba ta sumamente importante. El a reuni cu Minister di Relacionnan Exterior Señora Maxime Verhagen cu dia 6 y 7 di April lo ta na Brasil caminda cu e lo hiba combersacionnan cu Petrobras, a indica.

Durante di e encuentro cu Señora Verhagen a papia riba con di parti di gobierno hulandes por yuda tambe pa Gobierno di Brasil y tambe Petrobras por haya un interes pa e refineria di Aruba, a agrega.

Un interes sea pa cumpra e refineria of drenta den un partnership cu e refineria of hasta den un proceso cu e refineria lo haci procesamento di petroleo cu Valero y Petrobras den un acuerdo mutuo pa procesa petroleo, a manifesta.

- Advertisement -

DUNA COMENTARIO

Please enter your comment!
Please enter your name here