Home Estilo Su Album Nobo E Gran Cylinder Y Apertura Di 7 West

Su Album Nobo E Gran Cylinder Y Apertura Di 7 West

2
0
SHARE
- Advertisement -

E artista Arubano Michael Lampe a presenta:

cylinder3ORANJESTAD (AAN):-  E “Grand Cylinder” ta e nomber di e album nobo di musico Arubano Michael Lampe, a.k.a. DATAPANIK. E album aki ta bini cu e musica dushi di caha di orgel cu un joya musical Arubano. Michael Lampe a pasa den un trayectoria largo pa por a pone e album den su mihor forma posibel, cual ta un parti integral di e cultura di Aruba.

   Michael a lesa tur buki y articulo cu ta contene informacion ariba e historia di Aruba y su caha di orgel y su bon amigo di Sr. Alphonso “Buchi” Boekhoudt a dune tambe tur informacion relaciona cu e trahamento di caha di orgel y cuanto tempo esaki lo tuma.

   Michael a graba tur cos y a hiba nan su pais di estudio cu ta Nuremberg, Alemania, caminda cu el a crea e “Grand Cylinder”.  Michael a coleccion di canticanan di caha di orgel y a mix esaki nan den e musica moderno manera elecro, dub y ska. Michael Lampe a splica cu esaki no ta su obra real, pero ta di e caha di orgel di Buchi Boekhoudt. Michael a splica cu e kier a pone e musica di caha di orgel den e hobennan pasobra e caha di orgel aki ta forma parti di nos herencia y cu ora cu e personanan cu ta traha y toca esakinan no tey nan, ta nos hobennan mester tuma e trabao aki pasa pa nan futuro generacion, cual cu e mes ta haciendo esaki caba.

Ela splica tambe cu tur loke tin rond di produccion di album aki ta uno special, cuminsando for di e obra di arte te cu e realizacion di e album y e musica ta mescos cu esun di caha di orgel. E empake ta di un canvas special designa pa Orla Canavan. Heineken lo lansa un pedido special di 100 album, treciendo asina un remix exclusivo di e productor local di sonido Intifada. DATAPANIK ta un proyecto musical di Michael Lampe cual el a crea for di su hubentud cu su prome hit local “Some Caribbean Music” den añanan 90 te cu su recien album “Tropical Manouvres” y e hit “Riba un Sero”. Michael tabata un producer y ingeniero pa diferente artistanan manera Edjean Semeleer y demas musiconan. Banda di DATAPINK Michael ta traha tambe bou nomber di “Fellow” y pa un parti bou nomber di “Pocket sneak”.

   Banda di e presentacion di Michael Lampe e team di 7 West a celebra su Grand Opening.

- Advertisement -

DUNA COMENTARIO

Please enter your comment!
Please enter your name here