Ta a base di decisionnan politico di e Gobierno anterior a bin cu IMSAN
IMSAN ta keda San Nicolas, Minister Visser a aclarea
Ta garantiza tur empleado nan trabao y pa nan keda trankil!
ORANJESTAD (AAN): Minister di Salud Richard Visser den un conferencia a splica un tiki inkietud a ser crea door di Booshi Wever di MEP rond di e proyecto di IMSAN. Segun e mandatario, como Gobierno nan ta para pa San Nicolas. Cu locual nan ta deal aworaki ta IMSAN. A subraya cu IMSAN ta bay keda y nunca nan a bisa cu e ta bay.
A agrega cu e funcion di dje lo cambia sigur. A bisa cu IMSAN mester ta pa San Nicolas y gobierno di AVP lo hacie manera debe ser.
Na IMSAN te cu awor a gasta rond di 60 miyon florin. Akinan nunca e director di hospital a haya cualkier voz den e proyecto di e hospital pa San Nicolas. Ningun estudio di factibilidad tabata tin riba e proyecto aki, a manifesta.
Ta ser papia di cardiologia cu a ser poni tambe pa e proyecto na San Nicolas pa atende turista. Esaki nunca tabata tin sosten di specialistanan local. Ta a base di decision politico di e gobierno anterior a bin cu e proyecto. E minister Richard Visser a garantiza tur empleado nan trabao y pa nan keda trankil.
Actualmente ta hinca mas placa den IMSAN cu e docternan di cas na Aruba y sin ningun estudio. E maneho aki no por sigui na Aruba mas segun minister Richard Visser. Te hasta e koffie meisje di ex minister di salud tabata den e board. Awor tin board di profesional.
Minister Richard Visser a sigui splica cu nan tin un director cu tabata tey na IMSAN cual board a aproba cu e por maneha henter e lugar via SKYPE for di Hulanda. Esey no por segun e mandatario. Tin cos cu por y otronan cu no por. E board lo sinta y lo haci un scan. Mester soluciona y move dilanti cu e proyecto di diabetes pa haya un draag vlak.
Tabata papia di pone IMSAN bao di maneho di hospital. Segun e mandatario mester bay mira si e management team ta uni pa duna mihor servicio posibel. Mester haci un rotacion na IMSAN pa e cuido cu mester bay hospital por sosode na hospital.
Nunca e gobierno cu a bay tabata tey pa San Nicolas. Tin intencion di amplia hospital y ta bay mira con lo fit esaki den e cuido cu San Nicolas tambe segun minister Visser.
Dr.Renato van Putten
keep the good work, dinusaurio politiek porfin a llega na su fin!
Katty
E mener aki no sa Kiko pa hasi e ta bisa un cos awe y manan ta bisa otro. Por fabor minister ejecuta bo plannan di biaha y spot di tanto studio. Bosonan AVp no tabatin solucion pa tur cos? hacie.
Katty
E mener aki no sa Kiko pa hasi e ta bisa un cos awe y manan ta bisa otro. Por fabor minister ejecuta bo plannan di biaha y stop di tanto studio. Bosonan AVp no tabatin solucion pa tur cos? hacie.
Dr. Jorge López Dorado
E daño moral di ex- ministro B. Wever tabata enorme, el a doblegá e criterio y e moral di e sistema médico pa por ejercé su ignorante i arrogante voluntad. El a proteja alugun doctor indefendibel y a atacá cu maldad a varios cu a traja de un manera correcto; de tal manera cu e salud di e gente y e progreso di e sistema médico nunca tabata su prioridad. Su paso como governante mester ta den e pagina oscuro di e historia medico di Aruba.
Manolo
Sr. Visser tin un oportunidad pa resolve hopi pregunta di comunidad awenochi na Club Boneriano na San Nicolas. Un set di pregunta al caso lo wordo prepara pa despeha hopi inquietud den e comunidad di pariba di brug. Sr. Visser ta tambe un comerciante y dunado di trabou na San Nicolas representa pa negoshi di botica. Pesey su presencia tin doble interes: minister y comerciante. Pueblo di San Nicolas y becindario lo keda hopi contento cu clarificacion relaciona cu proyecto di Hospital na San Nicolas