Tata y dos yiu ta muri tragicamente den desgracia na Rooi Barcadera
Drag Race ta sigui di luto cu morto di Walter Franken…
ORANJESTAD (AAN): Famia Franken ta di luto. Aruba a worde sacudi un biaha mas cu un desgracia hopi serio cu a sosode diadomingo marduga riba e caminda di Oranjestad pa San Nicolas na altura di Rooi Barcadera. Walter Franken un fiel amante di drag race y coredor pa hopi aña den e mundo di drag a caba di sali for di Palo Marga. El a bay cu su dos yiunan. Yiu homber Randolph y Lourenne Franken tambe a bay mira careda unda nan tata a caba di core cu e Starlet blanco A-35864.
E momento ey Walter a bin playa y tabata caminda pa cas na Rooi Afo. Yegando na Rooi Barcadera aparentemente un tire di e Starlet a rementa. E Starlet a bay den un scual y bay riba e parti di trafico di direccion contrario.
Un Kia Opirus A-10109 tabata bayendo cu velocidad hopi halto direccion San Nicolas. Ora cu e Starlet a bay den robez e Kia Opirus no por a evita e desgracia y a dal violentamente den banda di pasahero di e Starlet.
E impacto tabata hopi fuerte y tur tres miembro di e famia a keda machica den e auto. Polisnan cu hopi aña trahando a bisa cu nunca nan a yega di mira un accidente asina cruel.
E chofer di e Opirus a ser hiba pa hospital caminda el a keda interna. Dokter Lin cu a presenta na e desgracia a constata morto di e tata y su dos yiunan placha den e Starlet. E auto a keda di tal forma cu tabata teme cu por tabata tin mas hende placha riba otro. Pesey mes e dokter a keda warda te na final caminda cu a saca tur hende den auto pa finalmente confirma cu ta tres morto mes e tabata.
Un familiar cu a presenta a duna di conoce cu berdad ta su conocirnan ta envolvi. Mesora hunto cu polis y e trahador social a bay na e cas pa notifica e mama di e dos criaturanan y casa kico a sosode cu e tres miembronan di famia.
Dos auto di morto a presenta pa por a transporta tur tres curpa sin bida. Paz na e restonan di e difuntonan y hopi forza na e famia.
E caminda a keda sera pa basta rato prome cu e investigacion a termina y cu bomberonan por a corta e auto pa saca esnan cu a muri. Tambe e area a ser sera di tal forma cu truck di bombero y ambulance pa evita imagennan tristo ora di saca e curpanan for di e auto.
rogelyn
waak esei ta hopi crave ja e mama tin cu tenne hopi kidow paso e la perde 2 jui y su casa:P
Jose Vrolijkj
Walter y su dos yiu, boso sosega na paz, di parti di un colega di Valero OMS Dept. Te despues ni Brother, nos lo topa un dia