Home Cultura The Chaz Club e programa popular pa tur hoben y mucha ta...

The Chaz Club e programa popular pa tur hoben y mucha ta back na television

5
0
SHARE
- Advertisement -

chaz_club_2ORANJESTAD (AAN): Despues di un aña di ausencia, e tan popular programma presenta, dedica y dirigi door di hobennan a regresa. Diasabra awor 13 di maart 2010 lo ta e prome programa di TCC di e temporada aki na nos planta Nacional Telearuba.

   E programa lo cuminsa pa 7:30 pm y lo tin como tema principal nos dia Nacional cu ta na caminda. Manera cu nos televidentenan ta custumbra, nos programa lo ta hopi varia cu topiconan interesante cu ta stimula nos muchanan y hobennan cu informacionnan positivo y educativo pa yuda nan den nan desaroyo.

E programa lo worde conduci pa diferente hobennan y muchanan cu ta forma parti di The Chaz Modeling & Talent School, p’asina demostra 1 biaha mas con talentoso e muchanan aki ta.

   Tambe nos lo tin un invitado den e programa, cu tin un futuro grandi como artista di nos Pais Aruba. Rochaz Productions y Chaz Models, conhuntamente cu e patronicadornan cu ta kere den e desaroyo di nos hobennan, ta orguyoso pa presenta un biaha mas e programa di mas All-Out na television, The Chaz Club. Pesey mes wak pa bo snacksnan ta cla tempran y pone bo television na canal 13 of 23, nos planta Nacional Telearuba pa 7:30 pm.

   The Chaz Club, TCC is here again! E programa aki ta worde dedica na memoria di nos bon amigo sr. Demetrio Maduro. The Chaz Club ta bay ta Kaboem Kaboem!!! E lidernan jen di talento ta bek!!! TCC ta master!!!

- Advertisement -

DUNA COMENTARIO

Please enter your comment!
Please enter your name here