Home Economia Tocante renovacion Caya Grandi y otro proyectonan

Tocante renovacion Caya Grandi y otro proyectonan

2
0
SHARE
- Advertisement -

Pronto Lo Re-Aloca Fondonan Di F.D.A  Pa Asina Garantiza Cu Inversion Grandi Lo Tuma Lugar

Segun Prome Minister Mike Eman

ORANJESTAD (AAN) — Prome Minister mr. Mike Eman a comenta den entrevista cu DIARIO cu e proyecto di renovacion Caya Grandi no ta para pa motibo di falta di placa.

E dignatario a splica cu e presupuesto cu tin aworaki ta e parti cu gobierno ta contribui cune, pero e parti di F.D.A, cu ta uno masha importante den e desaroyo aki, esta un suma 87 miyon pa un serie di proyectonan, gobierno a yega na un acuerdo y pronto lo bin un carta conhunto di Gobierno di Aruba cu Gobierno Hulandes, pa F.D.A, pa asina por re-aloca parti di e fondonan di F.D.A, cu ta casi cien miyon hunto cu e aporte di presupuesto di Aruba, pa asina garantiza cu e inversion grandi aki lo tuma lugar.

E mandatario a bisa cu e proyectonan aki tin cu ta bay cuminza na Mei, otronan na Juni, otronan na Augustus, kiermen ta un cantidad grandi di proyectonan cu ta bay ta un estimulo inmenso pa nos economia.

E dignatario a remarca cu e proyectonan aki hunto cu e binimento back di KLM, Carnival Cruises, e relacion nobo cu Americanan Airlines, 12 miyon Florin extra den turismo, e acuerdo cu Valero cu ta habriendo tur dia un tiki mas e posibilidad di un reapertura, un cumprador of un partner, ta mustra cu Aruba su economia tin oportunidad grandi pa sali dilanti, a base di esfuerzonan cu su gobierno ta haciendo.

- Advertisement -

DUNA COMENTARIO

Please enter your comment!
Please enter your name here