Unico instancia cu por emiti advertencia di tsunami ta PTWC
Rumornan falso di tsunami na Aruba
ORANJESTAD (AAN): Servicio Meteorologico kier trece claridad pa loke ta alerta di tsunami, mirando cu den e dianan aki tabatin hopi comentario riba esaki. Nan ta informa cu PACIFIC TSUNAMI WARNING CENTER (PTWC) ta e unico instancia oficial pa saca informacion den caso cu tin un TSUNAMI WARNING den area di Caribe. Asina cu Servicio Meteorologico ricibi informacion di PTWC relaciona cu un advertencia pa un posibel TSUNAMI, lo saca un boletin special.
Den caso cu esey ta necesario, MDNAA lo emiti alerta of advertencia pa autoridad y publico en general di nos islanan.
Segun ultimo informacion cu Servicio Meteorologico ta dispone di PTWC, no tin ningun advertencia pa TSUNAMI pa nos region.
