Home General Accidente fatal a cobra bida di turista crusero

Accidente fatal a cobra bida di turista crusero

32
9
SHARE
- Advertisement -

ax_fatal_turista_0BREAKING NEWS — Update: 3:50 p.m.
ORANJESTAD (AAN): E barco di Caribbean Princess di Princess Cruise Lines, apenas a yega 7:40’or di mainta na Waf di Aruba.  Abordo tabatin miles di hende cu di antemano a busca nan Island Tour of demas actividad pa goza di dje durante nan estadia na Aruba.  Ta conoci tambe, cu barconan crusero semper ta desconseha pasaheronan pa nan no huur ningun Scooter ni vehiculo ATV ora nan yega na un Waf.  Esey ta debi cu den pasado ta tantisimo pasahero a resulta herida.
  Sinembargo un pareha Canades abordo no a preocupa cu esey, y riba nan mes nan a acerca un compania cu ta huur ATV (conoci como Quadracers) na Waf, y a dicidi na bay busca nan aventura cu esaki.
  Lamentablemente nan no a yega leu, pasobra net pa 8:40 a.m. bayendo pabao riba Lloyd G. Smith Boulevard rumbo pa Beach, na altura di Tropical Bottling Carry-Out, nan a haya nan inespera contra un Dodge Ram Pickup color corra cu number A-29606 biniendo di direccion contrario cu a desvia y dal riba nan.  Apenas nan a core 690 meter leu di salida di Waf…

E turista masculino tras di stuur, no a haya chens di reacciona.  Nan a dal duro cu nan ATV color cora cu number MFA-1225 riba e Pickup, y e mes a bay dal cu su curpa fuerte contra e windshield, y herida su mes gravemente.  E dama sinta patras, tambe a bay dal fuerte den e body di auto, y keda eybao benta cu posible fractura na heup.
   Dos vehiculo mas cu tabata bin nan tras, tambe a haya tiki sla debi na e impacto, incluyendo un Hyundai Getz color preto cu number A-33031, y un Hyundai Tucson color beige cu number A-44514.
   Esnan cu a yega cerca, inmediatamente a nota e seriedad di e caso, y a notifica Polis.  Personal di Ambulans a yega mesora, y a haya e turista masculino den estado grave, cu sanger bashando profusamente di su curpa.
   El a worde hiba cu urgencia pa Servicio di Emergencia na Dr. Horacio Oduber Hospital, pero na su yegada Docter Croes y tambe Dr. Ponson a constata morto di Frederich Norman, naci na Canada dia 6 April 1969, pues tin 41 aña di edad.
   Varios voluntario a yuda Paramediconan cu e dama Christine Norman di 37 aña, pa asina cuidadosamente el a worde hiba Hospital.
—DROGA HAYA DEN PICKUP:
Halto Oficialnan di Polis a presenta na e lugar pa asina tuma nota di e accidente.  Ministro di Husticia mr. Dowers tambe a pasa wak pa pone su mes na altura di e sucedido.  Polis a cera e caminda pa tur trafico, pa asina haci un analisis completo.  E chofer di e Dodge Ram Pickup mes a keda deteni, despues cu el a haci un  Test cu no a sali na su fabor.  Tambe a laga cacho anti-droga check e vehiculo, y den e ashtray di e Pickup a haya un substancia parecido na droga.  Un mucha muher hoben cu tabata hunto cune, tambe a sali ileso.
   E informe cu a haya droga den e vehiculo, ta cambia full e rumbo di e investigacion.  Aki awor Fiscal por bay exigi un test di sanger, pa check posible presencia di e substancia den su sanger.  E chofer deteni mes, ta laborando na Aeropuerto di Aruba, y observadornan a mustra cu e caso aki lo por tin consecuencianan pisa pe.  Incluyendo e hecho cu turistanan lo por hasta demande den Corte pa e caso fatal aki.
   E chofer deteni a worde identifica como Jairo C.G.G. di 29 aña di edad.  Segun Polis, e ta encarcela ainda pendiente di investigacion.
   Na famia di e fayecido, ta bay palabra di condolencia.  Esaki a bira Victima No. 12 di Trafico na Aruba pa 2010.  E barco lo sali awe sin e casa, y e agencia local a percura pa tur nan pertenencia a worde baha.  Lo bay traha awor pa e transporte di e restonan mortal pa Canada.

ax_fatal_turista_5ax_fatal_turista_4ax_fatal_turista_3ax_fatal_turista_2ax_fatal_turista_1ax_fatal_turista_6

- Advertisement -

9 COMMENTS

  1. Ban poco poco shonnan! Ademas, ki mishi hende ya caba “high” ta core mainta trempan riba caya asina? No por! Danki Diario, boso ta e unico berdadero fuente di notisia na Aruba cu ta trese e notisia full full completo. Ningun otro website di notisia di Aruba no por para banda di boso, pa loke ta detaille y mas detaille. Petje af pa boso!

  2. E cos aki ta erg, hopi erg mes. Nos mes un hendenan, nos ta keha pero mayoria di hende ta keda BEBE Y CORE AUTO! BERGUENSAAA, BERGUENSAAA!!!

    Cambio ta keda na boso mes, mi ta spera nan SERA e matador burachenan hopi largo mes.TA BASTA AWOR!

  3. Shonnan di Aruba, ta kiko ta pasando. Si bo kue e asunto di accidente di auto basa riba estadistika den 1 kwartaal tin 12 morto. Wel pa fin anja ta kaba ku 36 morto of mas si sigi asina ku hende ta bebe pa loko i droga pa loko. Nota mainta trempan.Please Shonnan ban ku mas kuidou.

  4. Aruba ban mira baha man mas duru ariba e hende nan aki cu ta core auto burachi of droga.
    Kita nan rijbewijs pa cuminsa un anja anto waak con nan ta comporta nan mes anto sin topa nan ta core auto atrobe sin e rijbewijs den e anja ey straf nan mas largu pasobra un ribewijs no ta coi hunga cu ne tin hende mester di e pampel aki pa nan traha cu ne no ta coi hunga cune e ora.
    pero sin e gobierno na ARUBA ta asina Laks!!!!!!!!! e hende nan no ta sina nan ta sigi malusa di e nan rijbewijs pasobra nan ta bisa cu ARUBA no tin castigo toch dus mita tuma e risico di core auto toh marena mi ta hanja ta bon. Gobierno habri wowo pasobra hopi hende inocente ta perde nan bida fabia di un orto cu no tin tene su mes na regla den trafio!!!!!!!!!

DUNA COMENTARIO

Please enter your comment!
Please enter your name here