Home General Accidente grave diahuebs santo anochi na Cashero

Accidente grave diahuebs santo anochi na Cashero

25
0
SHARE
- Advertisement -

accidentbrommer1Hoben riba scooter cu hopi fractura…
ORANJESTAD (AAN): Diahuebs anochi polis y ambulance a ser manda cu urgencia den direccion di Cashero pasobra tabata tin un desgracia hopi grave. Tabata papia di un accidente entre un brommer tipo scooter cu un pickup Nissan. E brommer tabata bay direccion zuid y e auto tabata bay direccion nort. E accidente a pasa net den un bocht. Por a mira cu e scooter a hala den robez y bay dal violentamente frontal den e pickup. Ora cu paramediconan di ambulance a yega a cuminsa traha mesora cu e hoben herida benta cabez abao riba vloer canto di caminda. A pidi refuerzo tambe di mas ambulance.
E coleganan di ambulance cu a yega a saca un man y yuda nan coleganan mesora. Na un forma hopi professional mester a traha cu e victima herida pa evita mas daño na su curpa.

E fractura na pia drechi tabata hopi mahos y e pia tabata dobla y kibra di tal forma cu no por a trece esaki back den posicion sin mas. Mescos e man drechi tabata tin fracturanan habri.
E victima tabata medio na tino pero ta kere cu internamente tambe e tabata tin sla. Polis a sigui investiga basta rato despues cu a bay cu e victima cu urgencia pa hospital.

- Advertisement -

DUNA COMENTARIO

Please enter your comment!
Please enter your name here