Home General Atentado serio contra economia di Aruba y pan di trahadornan di refineria...

Atentado serio contra economia di Aruba y pan di trahadornan di refineria Valero

1
1
SHARE
- Advertisement -

Yiunan di tera ta bombardeando reapertura di Valero!!!
Ken tin man riba Ritza y Cesar su cabez..

ORANJESTAD(AAN):Relacion entre gobierno anterior y refineria Valero tabata uno masha malo mes manera henter Aruba tabata testigo pa basta aña. Cu cambio di gobernacion, Aruba a haya aire fresco un biaha mas y hopi a haya masha positivo mes e relacion entre e gobierno nobo y e refineria. Te hasta e gobierno nobo a logra haya goodwill di e refineria pa tene tur empleado na trabao por lo menos te cu Juni y full paga.
E logro aki no tabata uno facil, mirando cu gobierno di MEP a hiba un campaña basta fuerte y negativo contra varios di e funcionarionan halto di e refineria localmente y tambe esnan na e oficinanan principal na Merca.

Awe ta asina leu cu e gobierno nobo a logra un settlement agreement cu Valero, cu lo paga miyones florin y tambe a accede na paga impuesto di ganashi minimo di 40 pa 50 miyon florin y un cantidad di concesion mas. Pero tur esaki ta na peliger, pasobra pa motibonan ilogico y desconoci, departamento di impuesto a dicidi riba su mes cu ta bay cobra Valero basa ariba un settlement agreement.

Hopi conocedor di politica na Aruba a mustra riba e hecho cu e fucionarionan den e liderazgo di e departamento aki tin mucho relacion comprometedor cu ex-mandatarionan di e gobernacion anterior.

No ta descarta, segun informantenan, cu MEP tin su man hinca den e movecion straño y ilogico aki di e departamento di impuesto.

Pero Valero no ta e prome, pasobra despues cu e gobernacion nobo a drenta, rumornan a core rond cu selectivamente e departamento aki ta pone beslag of no cobra na esnan cu e tabata kier.
Parce cu e departamento aki ta birando un extension di MEP den oposicion, pasobra otro no por pensa ariba loke un y tur por wak.

Hopi hende tabata kere cu e movecionnan aki no tabata posibel sin instruccion di gobierno mes, pero awo ta evidente cu ta te hasta gobernacion di Aruba a bira victima di e hendenan aki sin escrupulo.

Parce cu nan intencion ta pa kibra e settlement agreement prome cu e keda totalmente finalisa.
Gobierno y Valero basa ariba good-will a yega na consensus riba varios tereno. Un movecion di e estilo aki, seguramente lo caba cu e disponibilidad di sigui negocia na beneficio di Aruba y en particular na beneficio di trahadornan di refineria di Valero.

E acto aki, cu por wordo cataloga como un acto di terorismo y segun hopi den nos comunidad mester tin consecuencia pa esnan cu ta tras di e sinberguenceria aki.

Ta parce cu e personanan aki no tin ningun disponibilidad pa salvaguardia patrimonionan di nos pueblo y den caso di Valero e trabounan di centenares di tata y mamanan di famia.

- Advertisement -

1 COMMENT

  1. Bon ta ken ta mandando mep of avp mira dal nan un
    mep i sakanan for di opsicion i si nan no ta tende anto a jega tempo pa pueblo manda firma aden i manda e firmanan pa la reina ku pueblo di
    aruba no kier nan ni como oposicion pasobra nan ta daja aruba.danki

DUNA COMENTARIO

Please enter your comment!
Please enter your name here