Home Deporte Britannia a manda Dakota Division 1 cu score di 5-3

Britannia a manda Dakota Division 1 cu score di 5-3

5
0
SHARE
- Advertisement -

futbol1ORANJESTAD (AAN): E teamnan di Dakota y Britannia a enfrenta otro den lo cual a nifica un dia scur den historia di Futbol pa e team di Dakota despues di a cai derota cu score di 5-3. Dakota lo wordo degrada pa Division 1. Gregory Lake a score 3 di e golnan di Britannia, na di 3, 45 y na di 70 minuut cu lo cual te asina leu ta bira e Goal Getter di e campeonato aki cu un total di 12 gol sigui pa Maurice Escalona di Bubali cu 11 gol. E di 4 y 5 gol a wordo anota pa Jonathan Lake na di 26 minuut y pa Junel Sanchez na di 85 minuut. Raymond Tromp di Britannia a haya carchi geel y e cambionan cu a tuma lugar pa Britannia tabata como lo siguiente: Cambionan pa Britannia a sali Albert Lake (#18) y a drenta Giovanni Thode (#23), a sali Raymond Tromp (#5) y ta drenta Yefrin Rojas (#19), a sali Alejandro de Lange (#7) y a drenta Marlon Andrea (#30).

Carchi geel pa Dakota a wordo saca pa Robert Ferdinant (#8) na di 16 minuut pa Hermannus Ridderbos (#15) na di 24 minuut 2x cu a bira corra y pa Rafael Tyron (#21) na di 84 minuut. Cambionan pa Dakota tabata como lo siguiente: a Ferdinant Robert (#8) y a drenta Mark Ignacio (#9), a sali Dwight Williams (#17) y a drenta Jean Polle Tromp (#16), a sali Rauly Wiersma (#10) y a drenta Richard Bosman (#6).

Pa Dakota a score Bryan Wiersma (#7) na di 52 minuut, Tyrone Rafael (#21) na di 73 minuut y Mark Ignacio (#9) na di 86 minuut. Referee principal di e partido tabata Carlos Romney asisti pa Frans Dijkhoff y Vito Ridderstaat y na mesa Gisella Geerman.

- Advertisement -

DUNA COMENTARIO

Please enter your comment!
Please enter your name here