Home General Cantidad di security na careda tras di ladron Colombiano

Cantidad di security na careda tras di ladron Colombiano

3
6
SHARE
- Advertisement -

ladron1El a worde gara ta horta tas di turistanan riba beach…
ORANJESTAD (AAN): Un cantidad di hende a worde mira Diasabra mainta, ta coriendo pa gara un ladron den area di Highrise Hotel.Nan a logra di gare tambe, y asina Aruba a cuminza dal un hap mas fuerte di crimen chikito banda di beachnan.Aruba por wak e potret bon! Dios sa ta cuanto tas di turista, e ladron aki a horta ultimo dianan aki riba Aruba. Tabata Diasabra mainta banda di 8:30’or, cu e homber Colombiano aki tabata cana sospechoso, pazuid-panort riba e pasiyo cu tin net pabao di Playa Linda Beach Resort.
E tabata cana, pero na forma raro ta wak tur hende. El a pasa banda di e palapa 54-A, y aki a mira un turista femenino drumi cu cara pa lama. Su lomba mes ta pa e mesa cu tin rond di e palapa, riba cual tin su tas, y un estuche poni.

Un tiki mas patras, tabatin un trahador di Playa Linda ta check tur cos bon rond. E movimento di e Colombiano a hala su atencion, y el a mire cana bay nort, despues bin zuid. E trahador ta labora den e Beach Towel Hut, y ta vigila cosnan di cerca. E trahador sa tambe cu riba e mesa di e palapa tin tasnan poni.

Diripiente un turista a bin na e Beach Towel Hut, y pa algun fraccion di seconde e atencion di e trahador a worde desvia. Ora el a bira bek wak e palapa, el a mira e estuche roos a desaparece, y e homber Colombiano ta hincando algo den su handbag.

Mesora e trahador balente di Playa Linda a sali di su Hut y a cuminza core yega cerca, y cuminza ordena e ladron pa pone e tas bek. E ladron Colombiano a cuminza soda, y a ripara cu el a worde mira, y cu un man a saca e estuche bek y bente eybao.

El a dicidi pa no core bay ni zuid, ni panort, pero mas bien, bay pariba pasa rond di pool area di Playa Linda, bay pa lobby. Aki e trahador di Beach Towel Hut a cuminza bati alarma door di grita “Ladron, Thief”.

E gritamento aki a hala atencion di un Security di Playa Linda, cu no a perde pa gana, y cu su curpa den bon condicion, a start un careda su tras. E ladron Colombiano, cu un petchi di Banana Boat riba su cabez, a bula door di lobby, sali dilanti y cuminza bay panort den area di La Hacienda Mall.

Pero e no por a yega leu, pasobra otro security personal di e.o. Paseo Herencia tambe a cuminza yuda, y asina nan a changa e ladron net dilanti Sbarro di La Hacienda Mall. Riba e potret di DIARIO por mira net momento cu e securitynan ta rondona e ladron, kende a djis keda para sin haci nada mas.

Algun rato despues Strandpolitie a yega, y mesora a pone boei na man di e Colombiano.
Aki a puntre pa su nomber, y nacionalidad. Aki na spaño el a revela cu e ta di Colombia, y tin apenas dos luna na Aruba. El a worde deteni y hiba pa Strandpolitie.

Sigur e personal di Playa Linda, e.o. e dama di Beach Towel Hut, como tambe Security a haci un bon trabao. E ladron? Dios so sa, cuanto tas caba e ladron aki a yega di horta den ultimo dos luna na Aruba.

E turista femenino procedente di Minneapolis, drumi na Palapa 54-A, no tabata sa mes cu ladron a bay cu su tas! Ta e trahadornan a bay informe di loke a socede, y cu ya caba e tas a worde haya, como cu e ladron a bente abao bek. Den e estuche, e tabatin su credit-card, cedula, y beach towel card.

- Advertisement -

6 COMMENTS

  1. Good job! dune su castigo, deporte despues. Un ta tur latino ta ladron, pero ja un ta danja pa otro.

  2. Laganan sigi biba diez anja na ruba pa nan bira arubiano colombiano pa nan por sigi disfruta di
    nos turistanan iladronicia ta un bon ehempel pa
    nos pais aruba mira dune su castigo en stuur hem terug waar ze vandaan komt.danki

  3. BN TRABOW GUYS ASINA MESTER TRAHA TEAM WORK PLEASE DEPORTE MESORA,TA E HNDNAN AKI TA DANJA NOS PAIS NOS NO TN MESTER DI NAN,ANTO DUNE BLACK LIST TMB

  4. soy colombiana y vivo en aruba , y la mayoria de ladrones son aubianos roban en la playa ,discotecas y atracan en la calle, cosa que ya no se ve en colombia y la verdad le digo a los turistas que no vayan a aruba VIVA COLOMBIA

DUNA COMENTARIO

Please enter your comment!
Please enter your name here