Home General Corda cana cu bo carchi di AZV, pa cualkier eventualidad

Corda cana cu bo carchi di AZV, pa cualkier eventualidad

2
0
SHARE
- Advertisement -

ORANJESTAD (AAN): Relacionista Publico di hospital Bob Harms a conta DIARIO den un entrevista, kico hendenan cu mester bishita Eerste Hulp na hospital mester tene cuenta cune.
Segun Harms, unda cu bo bay, ta bon pa bo tin bo carchi di AZV cu bo, pasobra ora cu tin cualkier situacion di emergencia y bo tin cu bay Eerste Hulp of docter na warda, bo mester tin e carchi cu bo. Esey ta yuda cu bo ta haya e atencion cu bo mester haya mucho mas lihe, cu si bo no bin cu un carchi.
A puntra Harms tambe riba e situacion di docternan na warda y el a bisa cu for di algun aña caba hospital tin un acuerdo cu e asociacion di docternan di cas pa loke ta trata e docter na warda.

E docter na warda no ta un docter di hospital, e ta un docter cu e asociacion di mediconan HAVA, ta asigna pa traha warda riba un dia.

Durante e dianan di fiesta nan tin e horario special, cu ta di 9’or di mainta te cu 12’or di merdia y atardi tambe e ta un horario prolonga.

Esaki segun Harms, kende a recomenda cu si bo caso no ta un caso di emergencia, pues no un situacion di bida of morto, bo por tuma contacto cu bo docter mes pa wak si e ta na warda.
Si acaso e no ta na warda, bo por acudi semper na e docter na warda, pa e por atende bo.

Si ta un asunto di emergencia, bo por bay libremente na e departamento di emergencia, pasobra ta pesey e tey.

E horario di por ehempel e docter na warda ta worde publica den tur corant y tambe e number di telefon cu por yama, pa asina por wak si e docter ta na warda pa bo bay eynan.

- Advertisement -

DUNA COMENTARIO

Please enter your comment!
Please enter your name here