Home General Dos miembro di e fraccion di MEP señala varios biaha den edificio...

Dos miembro di e fraccion di MEP señala varios biaha den edificio di Impuesto net prome cu e carta pa bombardia reapertura di e refineria a sali

0
1
SHARE
- Advertisement -

belastingAutornan intelectual di bombardia reapertura di Valero ta integrantenan di fraccion di MEP
ORANJESTAD(AAN): Aruba a worde sacudi cu e noticia cu tin empleadonan publico den liderazgo di direccion di impuesto cu kier bombardia reapertura di e refineria na Aruba, “sea como sea”. Den un cantidad di noticieronan, nombernan manera Ritza Hernandez y Cesar Angela a cay. Pero parce cu tin algun funcionario mas involucra den henter e asunto aki. Hopi den pueblo ta comenta y lamenta cu con por ta posibel cu Arubianonan ta pone trabao di asina hopi mama y tata di famia den peliger di e estado aki. Pa colmo net awor cu e realcionan entre gobierno y Valero a drenta un fase asina positivo y prometedor.


Pero henter e asunto aki tabata hole hopi stinki pa siguidornan di politica na Aruba. Hopi hende deduci cu logicamente cu nos por ta otro cu partido MEP lo ta tras di henter e “set-up” aki. Pero via nos mesa di redaccion a drenta varios yamada cu ta mustra ariba e hecho cu e siman net prome cu e atendado contra reapertura di e refineria, dos parlamentario di MEP a worde señala na e departamento di impuesto. Esaki ta haci e deduccionan hopi mas concreto.

Pa hopi, segun e informenan cu a drenta, e tabata algo un poco straño, pero posibel. Loke a haci hopi di e testigonan aki cuestiona e asunto ta cu e bishitanan tabata varios pa siman pa algun tempo caba. Un di e parlamentarionan aki tabata un ex-minister y e otro un funccionario liga den pasado cu e departamento.

Loke ta haci e asunto aki hopi mas compleho, ta cu segun nos por compronde cu un di e parlamentarionan aki tin un vinculo hopi fuerte cu un of mas abogado cu tin acceso na informacionnan confidencial di refineria Valero na Aruba. E asunto aki ta parciendo mas y mas un complot grandi y cu consecuencianan potencialmente devastador pa Aruba, pero particularmente pa trahadornan di Valero.

Ta tristo con algun miembro di un fraccion den parlamento por a pensa mes di pone trabao na peliger di un Arubiano, peor ainda di centenares di mama y tata di famia Arubiano. Pero parce cu e interesnan partidista di e parlamentarionan aki, cu por cierto a huramenta di lo no haci nada contra interesnan di nos isla Aruba, ta pone cu awe e situacion ta bira mas dificil.

Si e trahadornan di Valero a kere cu e situacion tabata precario, awor danki na e hendenan aki, e situacion a bira varios biaha hopi mas peor.

- Advertisement -

1 COMMENT

  1. Ki mishi nan eyden,iken a laganan drenta minister presidente mester kuminsa pone ley i dunanan nan castigo pasobra loque avp ta trahando
    no ta kai bou nan,nan ta hungando contra ley tempo ku nan a sinta nan no por a logra sierto
    cosnan i awor nan ta jaloers i ta busca problema
    seranan.danki

DUNA COMENTARIO

Please enter your comment!
Please enter your name here