Home General E asunto di Keurmeester ta hole tiki stinki, mirando cu ainda e...

E asunto di Keurmeester ta hole tiki stinki, mirando cu ainda e no a yega Aruba

3
0
SHARE
- Advertisement -

gruaSegun presidente di UPA
ORANJESTAD(AAN): Presidente di sindicato UPA Dave Franken a haya cu e reunion tocante e grua na waf a bay bon. Den un entrevista el a conta DIARIO cu UPA a presenta su preocupacionnan pa dilanti y e presenta tambe un mapa cu nan a traha. E grupo den e reunion cu tabata consisti tambe di algun Parlamentario a haci diferente pregunta y nan a worde contesta pa e miembronan di UPA, incluyendo dos chauffeur di grua. Franken a conta cu nan a bay Curaçao pa un dia y eynan nan a nota di biaha e diferencia na waf.
Mesora nan a ripara cu e mantencion di e grua di Curaçao a worde haci hopi bon compara cu e grua di Aruba. Ta un berguenza cu e grua di Aruba ta den e estado cu e ta actualmente. Franken a sigui bisa cu nan ta wardando e keurmeester di Lloyd pa bin Aruba, pero e ta haya cu e asunto aki ta hole tiki stinki, pasobra e mester a yega caba.

E palabracion tabata cu e trabaonan riba e grua lo worde para te ora cu e persona yega, pero trabaonan ta tumando lugar ketobay y ainda e keurmeester no a presenta.

Franken a bisa tambe cu e tin entendi cu Curaçao ta bay ta den un destaho publico pa dos grua mas y e miedo tey pues cu e containernan cu ta den transito di Venezuela lo worde tuma over pa Curaçao y e ora ey Aruba lo keda sin nada.

UPA a bin cu e opcion pa ASTEC cumpra e grua y pa despues bay sinta na mesa negocia pa wak kico por saca afo di dje. Presidente di UPA a sigui bisa cu mester bin un solucion pronto.
El a bisa cu tin un cantidad di container di Aruba pega na Curaçao y na waf di Aruba ta sinti esaki.
E trabaonan a baha barbaramente.

- Advertisement -

DUNA COMENTARIO

Please enter your comment!
Please enter your name here