Home General E casonan di dengue hemoragico por aumenta e aña aki

E casonan di dengue hemoragico por aumenta e aña aki

1
0
SHARE
- Advertisement -

dengueSi nos no preveni:
Personanan cu a haya dengue caba mester ta alerta!
ORANJESTAD (AAN) — Den entrevista cu DIARIO, dr. Derek-ian Blok, director interino di Departamento di Salubridad Publico, a splica cu nan no ta duna siguimento individual riba cada caso di dengue cu a presenta na Aruba, pero locual si ta su tarea ta wak ki tipo di dengue a causa e brote, esaki debi cu nos tin cuatro tipo di e malesa aki.
“ Algo cu nos tin cu bay stress den e campaña nobo, ta cu door cu diez aña pasa nos tabata expone na un tipo di dengue, despues di cinco aña tabata tin un epidemia cu e otro tipo y dos aña pasa atrobe nos tabata tin epidemia di otro tipo.

“ Kiermen, aworaki nos pueblo ta expone na e tres tiponan cu tin, e chens pa nos haya e otro tipo di dengue virus, e riesgo pa dengue hemoragico ta hopi mas grandi.
“ Nos ta preocupa cu esey, pasobra nos cantidad di dengue hemoragico tin hopi chens pa aumenta, si nos no preveni”, dr. Blok a duna di conoce.
El a reitera cu e chens cu ta bay tin hopi mas caso extra y serio ta mas grandi awor cu diez aña pasa!

OTRO MANERANAN PA PREVENI:

DIARIO a puntra dr. Blok ki otro maneranan tin pa preveni, ademas di elimina criadero den nos cas. Esaki pa motibo cu nos por elimina criadero den nos cas, pero podise e persona por worde pica den otro lugar cu no ta su cas tambe. Señora Gisela de Veer a contesta e pregunta aki y a splica lo siguiente:

“ Bo por pone screen den e cas, loke ta un medida fisico, spuit e cambernan prome cu bay drumi, uza e flambeo, of uza repellent. Tur esaki ta maneranan di prevencion”.
E ta recomenda e medidanan aki di prevencion pa tur persona, specialmente pa proteha mucha, pero tambe pa esnan cu a haya dengue caba, pa e preveni pa no worde pica pa e sangura y no haya un dengue mas pisa e biaha aki.
El a referi tambe na e caso cu tin un persona cu dengue den cas, cu tin prevencion cu mester tuma.

Pasobra si un sangura di dengue ta pica e persona aki y despues ta pica otro miembro di e famia, podise un mucha, e malesa por worde transmiti.
“ Pesey mester zorg pa tuma medidanan di prevencion den e caso aki, por ehemplo pa e persona bisti paña cu manga largo, keda mas tempo posible den airco, pone screen, cu aunke e pregunta por ta ‘di unda nos ta saca e placa’ ta medidanan cu por tuma”, señora de Veer a subraya.

Di su banda, dr. Blok a remarca cu mester worry tambe en caso cu e bisiña tin dengue, pa proteha e famia y e yiu chikitonan cu por tin den cas.
El a haci enfasis tambe cu e chens di broeimento den awa sushi (di pos por ehemplo) no ta hopi grandi, pero mas tanto den awa limpi, e.o di florero, awa acumula den cura di cas, den tire, ora cu awa di airco ta basha, etc. Por ehemplo, hendenan cu ta warda awa pa riega mata, mester zorg pa tin piscanan cu por haya den GKMB.

COLABORACION DI PAHO:

Manera ta conoci Salubridad Publico di Aruba ta traha conhuntamente cu PAHO (Pan-American Health Organization) y nan ta bay duna nos tur cooperacion pa wak si e larva ta resistente awor, na e quimiconan (insecticida) cu ta worde uza na Aruba, pa yuda combati dengue.

“ Nos tin cu bay haci cierto investigacionnan di e sangura mes. Pues, nos ta bay mas leu ainda via di GKMB y PAHO pa nos sa kico ta pasando cu e parti ey”, dr. Blok a comenta.
Si ta resulta cu e larvanan ta residente na e productonan cu tin na Aruba, mester bay cambia esakinan, el a agrega.

- Advertisement -

DUNA COMENTARIO

Please enter your comment!
Please enter your name here