Home Hudicial Huez a bise muher Colombiano, “nunca mi a tende un cos asina...

Huez a bise muher Colombiano, “nunca mi a tende un cos asina estupido”

3
1
SHARE
- Advertisement -

rijbewijsDen caso di rijbewijsnan falso:
ORANJESTAD(AAN): Dialuna Nidia G. naci na Colombia tabata un di e personanan cu a presenta dilanti di huez, door cu el a paga placa via via na un ambtenaar pa e y su mama haya rijbewijs falso, sin a pasa un examen. Den prome instancia algun tempo pasa el a wordo ofreci pa e paga un multa di 1000 florin, pero como cu e no a paga esaki, e caso a bin dilanti di huez. Huez a puntra N.G dicon e no a paga e multa e prome biaha y el a bisa cu ta pasobra e no tabata sa cu e rijbewijs tabata falso.
Huez cu asombro a puntra e muher con por ta cu e ta pensa cu e rijbewijs ta bon, siendo cu e no a pasa ningun tipo di examen.  El a puntra e muher si na Colombia hende no tin cu pasa un examen prome cu nan haya nan rijbewijs.

E muher a bisa cu si, pero cu e persona cu e tabata tin contacto cune a bise cu e tabata conoce un polis di rango halto, kende a bisa cu no tabata necesario pa pasa e examen. E djis mester a paga e placa y e y su mama lo a haya un rijbewijs.

E homber lo a bisa cu e mama tabata tin mester di dos le so y e lo tabata cla pa haya su rijbewijs.
E muher Colombiano a keda para ariba cu e rijbewijs no tabata mustra falso, pues door di esey e no a pensa cu e rijbewijs tabata falso.

Huez a cuminza irita y a puntra e muher na voz halto si el a paga placa pa e haya e rijbewijs sin pasa un examen y e muher a bisa si. E ora ey huez a halza voz atrobe pa mustra e muher riba e hecho cu cualkier hende cu paga pa un rijbewijs sin pasa un examen, mester sa cu e rijbewijs ta falso.

Fiscal tambe no por a kere actitud di e muher y a bisa huez cu e tin gana di hisa e multa di 1000 pa 1500, djis pa e manera con e muher ta tribi di bin corte y hasi como si fuera e no a hasi nada malo.

E muher a sigui purba splica su mes y huez na dado momento a bise: “Nunca mi a tende un cos asina estupido”. “Otro hende bo por gana, nos no”, huez a bise. Na final el a duna e muher un multa di 1000 florin y el a bise cu e tin 14 dia pa apela.

- Advertisement -

1 COMMENT

  1. Huez no mester spanta pa un cliente corupto cu a bisa un cos stupido. Sin embargo algun huez na Aruba a surpasa e estupidez di e senjora aki. Burico no por papia di orea.

DUNA COMENTARIO

Please enter your comment!
Please enter your name here