Home General MEP ayera a demostra cu nan ta pro abuso di mucha

MEP ayera a demostra cu nan ta pro abuso di mucha

1
1
SHARE
- Advertisement -

mepausente1Ta cobra tur luna pero no ta presenta na trabao…
Weekend di Booshi y coleganan a cuminsa diaranzon caba…
ORANJESTAD (AAN): Loke cu MEP a haci ayera ta prueba cu nan ta pro abuso di mucha. No ta nada straño pasobra den e fraccion di MEP tin cu ta conoci pa bati muher indefenso na cas.
Den e gabinete anterior y e fraccion anterior inmoralidad no tabata nada straño pa nan. Mientras cu un mama a traha incansablemente pa logra 11 mil firma, presidente di parlamento a haya cu e topico aki mester bira uno politico.
A resulta cu e fraccion di MEP no a duna oido na e reunion di commission central cu a worde yama. Si nan ta cobra placa tur luna pa e tiki trabao cu nan ta haciendo den oposicion.

mepausente2Esnan cu ta traha den e sector di abuso di mucha y hincando nan tempo liber a keda hopi asombra cu e actitud di MEP. Ridiculez di marca mayor. Xiomara Ruiz Maduro di MEP bao guia di su fraccion a bin desvia henter e reunion riba tereno cu Marisol a enrikece su mes den gobernacion di MEP.

Awor ta bin cu pretexto pa por sigui atende reunion. Xiomara a demostra cu infantil e ta. Tempo di school ora un mucha dal bo riba speelplaats bo ta core bay cerca juffrouw pa yora kico a pasa.
Parce cu e mentalidad aki ainda ta presente cerca Xiomara. Un mucha cu a haya 200 voto pero cu tin 100% falta di atencion. E ta lubida cu ta danki na Nel e ta sinta eyden.

E promesa di Nel na su persona a pone cu awe Nel cu su 6 mil voto mester a bay cas y grita den bashi for di Ponton via MEP FM. AVP y ningun otro fraccion mester acepta e actitud y comportacion infantil di e fraccion di MEP. Si boso kier core pa e realidad amargo di Marisol su Real Estate den gobierno anterior ta otro asunto.

Mientras cu pueblo ta paga bosom ester bin traha. Tempo di gobernacion di MEP cada rato tabata cuestiona ausencia di un of otro parlamentario di AVP. E cos ta cu antes tur di MEP mester tey pasobra 11-1=0. Nan tabata canta coro y sigui instruccion di Nel.

Awor ainda Nel ta instrui nan pasobra kico cu pasa nan ta core yama Nel na telefon pa asina e splica e fraccion con nan mester move. Pueblo kier mira MEP traha y basta cu yoramento.

- Advertisement -

1 COMMENT

DUNA COMENTARIO

Please enter your comment!
Please enter your name here