Home Politica Parlamentario ta gana super bon y nan mester laga nan “kier” na...

Parlamentario ta gana super bon y nan mester laga nan “kier” na cas!

1
0
SHARE
- Advertisement -

avpandyleeSegun Presidente di Staten:
Den Sala nan mester trata problemanan publico y no priva!
ORANJESTAD (AAN) — Presidente di Parlamento drs. Andy Lee, a emiti su opinion tocante e ausencia di fraccion di MEP, durante e reunion di Comision Central, unda a worde trata e tema “abuso di mucha”, relaciona cu varios caso di abuso sexual di mucha, cu ta worde denuncia.
Entre nan, e caso di e yiunan di señora Lissette Gomes ken a presenta un manifiesto cu mas cu 11mil firma, cual ta hayando su debido atencion den Parlamento.


Drs. Lee a bisa: “ Mi ta lamenta si cu MEP a keda sin bin y nan a manda un carta ayera cu nan lo no ta presente den e reunion aki, debi na e incidente den e reunion pasa, entre dos Parlamentario.
“ Mi ta haya cu loke a pasa ta algo priva cu a tuma lugar riba hang y no den Sala.

Mi a laga e puntonan di orden tuma lugar, como cu mi a scucha sra. Ruiz Maduro e momento ey y mi mester a scucha tambe señor Yrausquin y mi a para e reunion. “ E anochi ey mi a manda un mensahe pa e lidernan di fraccion pa pidi nan pa reuni e dia siguiente, esta diahuebs, pa trata e asunto aki y wak con por soluciona e situacion pa cosnan aki no pasa mas den Staten, y a presenta señor Herde di AVP, señor Bikker di PDR, y señor Wever a manda contesta via tres msn cu e no ta bin pasobra un di e motibonan ta cu mi a tin falta cu cos a bay for di man. Mi ta lamenta cu nan ta usa incidentenan asina pa nan keda sin ta presente”, drs. Andy Lee a señala.

El a agrega cu el a duna oportunidad pa papia riba e topico pa wak con ta bay solucione, den e grupo di tres cu ta su persona, PDR y sr. Herde.

El a acentua cu problemanan asina aki ta cosnan priva y bo mester haci distincion entre asuntonan priva y hechonan publico, y ora cu conflictonan priva asina sosode pafo di Sala di Parlamento, nan tin e responsabilidad di soluciona esey y tin e madurez pa haci esaki na fabor di interes publico.

Drs. Lee a expresa cu esaki ta un forma di conducta cu Parlamentarionan mester por presenta, pasobra como tal nan ta ricibi nan salario, nan ta ganando super bon, pa nan tin kier cu den Sala, mester tene cuenta cu situacionnan priva tambe.

“ Mester crece, e mentalidad mester bira diferente, mester mustra madurez politico, y maneha e problemanan publico di nos pais. Sala di Staten no tey pa problemanan priva. Bo no ta worde paga pa haci esaki. Como Parlamentario bo ta gana un bon salario, cu e ‘kiernan’ mester laga nan na cas”, drs. Lee a subraya.

Presidente di Parlamento a acentua cu tur esaki ta cuminza ora nan ta tira palabra y esaki no ta sosode aworaki, pero el a experiencia esey e cuatro añanan caba cu e ta miembro di Staten.
“ Tiramento di palabra ta bay over y si bo no tin e madurez pa contene bo emocionnan y domina bo mes, si bo ta cuminza bo ta ricibi e tambe, y e por conduci na problema manera nos a mira.

Incidentenan asina no ta e unico pero tabata tin den e cuatro añanan cu a pasa y mi por imagina mi den e otro 20 añanan di Status Aparte tambe tabata tin. Pero ta keda na cada ken nan responsabilidad pa wak nan actuacion y na kico e ta conduci.

Ami como Parlamentario, bo no ta haya mi tira palabra pa ningun hende, ami ta papia cu tur hende cu respet pa evita esaki. Dios gracia mi ta mira mas ehemplo den Sala asina, pero lo ta bon pa tin mas hende pa comporta como tal tambe”, drs. Lee a subraya.

- Advertisement -

DUNA COMENTARIO

Please enter your comment!
Please enter your name here