Home General Petrobras lo topa cu ehecutivonan di Valero y Minister Mike de Meza...

Petrobras lo topa cu ehecutivonan di Valero y Minister Mike de Meza cu conseheronan

3
0
SHARE
- Advertisement -

brasil1Awe ta un dia importante pa existencia di Refineria Valero..
Gobierno di Aruba ta sigui traha duro pa habri un refineria cu nan a haya sera…
ORANJESTAD(AAN): E delegacion di Aruba a yega Brasil diaranzon mainta. Nan a ser ricibi na aeropuerto pa Paul Comenencia e consul general di Hulanda y Niels van Dam consul interino di Hulanda staciona na Rio de Janeiro Brasil. Minister ing Mike de Meza a biaha hunto cu Donny Rasmijn parlamentario cu a traha mas cu diez anja den refineria y tin un experiencia hopi grandi den Valero mes. Tambe Johan Sjiem-Fat e consehero legal pa gobierno di Aruba.

Mescos Frank Hoevertsz kende ta traha directamente cu minister Mike de Meza y a sera e contactonan tambe pa e reunion por a tuma lugar. Tur cos a cuminsa for di momento cu prome minister Mike Eman a biaha pa Hulanda un el a reuni cu Maxime Verhage y asina riba posibilidadnan presenta pa Valero mes e mandatario Hulandes a reuni cu Petrobras pa asina cuminsa traha caminda pa un posibel tumamento di e refineria over na Aruba.

DIARIO a papia na Brasil cu Ray Buckley Vice Presidente y General Manager di e refineria na Aruba cu tambe a yega diaranzon atardi lat cu avion priva di Valero cu un vuelo directo for di Aruba.

El ser acompanja pa Gene Edwards Executive Vice President Corporate Development and Strategic Planning, Francois Trudelle Vice presidente Corporate Development International. Ray Buckley a splica DIARIO cu nan a caba di sali for di reunion cu prome minister na Aruba y a topa tambe cu PDVSA e siman aki.

Cu Petrobras ta un otro encuentro mas pa sigui busca e posibilidadnan pa tene e refineria habri sea bendiendo esaki of bai den un tipo di deal. E general manager di refineria na Aruba a splica hopi cla riba e intentonan cu prome minister di Aruba ta haciendo e momentonan aki y a habri e caminda via Maxime Verhage cu cuater posibilidad riba mesa cu nan a entregue pa sigui pa Brasil.

E reunion di Maxime Verhage tabata tin su fruto. Di e cuater propocisionnan Petrobras a acepta dos pa papia riba dje. Riba e dos posibilidadnan aki mes ta loke e delegacion di Valero for di Aruba y San Antonio y representantenan di goierno lo bai papia riba dje.

Segun Ray Buckley e refineria no ta desconoci pa Petrobras pasobra na 2003 caba nan tabata tey y na 2008 tambe. Petrobras conoce e refineria na Aruba hopi bon. Awor ta di sinta diahuebs mainta 11or pa asina bai over riba e siguiente paso cu ta mira kiko por ta e ofertanan.

Importante di henter e asunto aki ta cu sin un stabilidad fiscal sigur nada di esaki por bira posibel. Pesey mes gobierno di Aruba ta trahando hopi fuerte riba e parti aki pa asina cualkier cumprador sa sigur unda y con nan ta para.

DIARIO lo sigui informa e comunidad di Aruba riba tur e desaroyo aki. Diaranzon anochi minister Mike de Meza a topa cu tur e ehecutivonan di Valero na residencia di Sr Paul Comenencia na Rio de Janeiro. Aki a papia riba algun aspecto pa ambos partido bai mesa den forma di un team diahuebs mainta.

Trahadornan di Valero ta yama constantemente pasobra nan ta hopi preocupa cu nan futuro. DIARIO for di Rio de Janeiro tabata splicanan pa carga un tiki pasenshi pasobra tur cos ta canando den bon direccion. E trabaonan intensivo cu gabiente Mike Eman Uno ta haciendo pa garantiza apertura di e refineria na Aruba ta uno inmenso.

- Advertisement -

DUNA COMENTARIO

Please enter your comment!
Please enter your name here