Home General Polisnan a tene bon control di trafico e fin di siman largo...

Polisnan a tene bon control di trafico e fin di siman largo cu a pasa

0
1
SHARE
- Advertisement -

controldipolisTrafico di awendia ta usando e infrastructura di 10 aña pasa
ORANJESTAD(AAN): Ultimo añanan a bira casi un custumber cu den temporadanan di fiesta, manera Pasco y Aña Nobo den December, Carnaval y Semana Santa, tin accidentenan grave ta pasa di un cantidad y severidad cu ta birando dia pa dia mas pio. Aruba a pasa den periodonan di tristeza grandi cu perdida di bida basta grandi e ultimo añanan y riba dje hopi di e victimanan ta hobennan. Tambe no mester lubida e cantidad grandi di victimanan cu ta keda cu e efecto y consecuencianan di e accidentenan aki pa bida largo.
E fin di siman largo aki, sinembargo Polis a haci un bon trabao pa baha e chens di accidentenan mas abao posibel. Polis tabata man yen cu trabao, pero cu bon planeacion a logra evita accidentenan fatal.

Na varios punto rond di e areanan di actividad di fiesta y campamento cuerpo policial a instala gruponan di accion pa controla velocidad, coremento bao influencia y otro aspectonan di un trafico insigur.

Loke tabata admirabel ta e cantidad di autonan cu tabata pasa y felicita e polisnan pa e bon trabao di control cu nan tabata haciendo. E motibonan di e crecimento di e cantidad di fatalidadnan den trafico na Aruba ta varios.

Sin duda, e actitud di hobennan den trafico, uso di alcohol y e accesibilidad di vehiculonan cu por core demasiado duro tin su efecto. Aki por pensa ariba e tantisimo accidentenan fatal cu of causa pa brommernan.

Un otro aspect cu hopi no a pone mucho atencion ariba dje ta e hecho cu e infrastructura cu nos tin awe ta practicamente e mesun di 10 aña pasa. Awe tin mucho mas trafico cu 10 aña pasa, pero cu e mesun infrastructura.

Consecuencia ta cu e chens pa accidentenan ta mucho mas grandi cu nan tabata 10 of 20 aña pasa. For di banda di gobierno nobo, por compronde cu esaki lo bira un prioridad pa nan, pasobra no por keda pone e presion grandi aki y pa semper ariba cuerpo policial.

Cuerpo policial ta purba controla, pero loke mester ta solucionnan serio y mas duradero, manera mehoracion di nos infrastructura y desaroyo di leynan di trafico. Ehempelnan di e esakinan lo ta Ringweg 3 y Vierbaansweg cu lo alivia e fluho di trafico.

For di banda di redaccion di DIARIO, nos ta manda palabranan di sosten na e polisnan den nan trabou di purba mantene e trafico na Aruba bou control.

- Advertisement -

1 COMMENT

  1. Mi a duna kaba mi relato esun ku wordo gara ta
    core auto ku drinks den su boddy ta perde su rijbewijs pa un anja.i esun ku causa accidente,i e ta fout e no mag kore auto pa tres luna i tin ku pasaun test examen. aki nan mester sinja.danki

DUNA COMENTARIO

Please enter your comment!
Please enter your name here