Home General Proyecto di Chicken Farm na Butucu no ta sigui mas

Proyecto di Chicken Farm na Butucu no ta sigui mas

1
0
SHARE
- Advertisement -

Inversionistanan a perde tereno
ORANJESTAD(AAN): Informacion cu DIARIO a haya ta bisa cu e proyecto di Chicken Farm na Butucu no ta bay sigui mas. Awor cu inversinostanan ta para cla cu placa pa inverti nan a perde e tereno. Aparentemente tempo cu e gobierno anterior a duna e grupo aki e tereno nan no tabata tin e placa pa inverti. Net awor nan a haya algun local pa hinca poco placa pa e proyecto por cuminsa y ata nan a kita e tereno for di nan.


Ora cu DIARIO a haya e informacion mesora a tuma contacto cu e minister di infrastructura y el a splica cu berdad esey a sosode. E mandatario a splica cu mescos cu e grupo aki tin mas inversionista cla cu placa pa inverti den un chicken farm. Loke nan ta warda ta mas bien un tereno.

Tin cu a pidi 40 mil meter cuadra y kier 50 mil. E hendenan aki tambe lo perde nan tereno. E ley ta papia di un cierto tempo cu bo mester haci uso di e tereno sino bo ta perde.

Esey ta loke a pasa cu e grupo ultimo aki. Awor nan mester pidi tereno di nobo y lo bay atrobe full abao den e otro peticionnan cu tin. Dia cu nan a haya tereno nan no a traha riba e proyecto pa falta di placa.

Net e grupo cu placa a cay aden pa yuda financieramente esnan cu a haya e tereno y awor DIP a kita e tereno pa incumplimento di ley di maneho di tereno. E area di Butucu ta destina pa e proyectonan di cria di bestia segun minister Benny Sevinger.

- Advertisement -

DUNA COMENTARIO

Please enter your comment!
Please enter your name here