Home Politica Relaciona cu proyectonan di “Rescate Urbano”

Relaciona cu proyectonan di “Rescate Urbano”

3
0
SHARE
- Advertisement -

mexico1Prome Minister Mike Eman y Minister di Infraestructura y Medio Ambiente Benny Sevinger a ricibi delegacion Mexicano
ORANJESTAD (AAN): Ayera mainta Prome Minister Mike Eman y Minister di Infraestructura y Medio Ambiente Benny Sevinger a ricibi delegacion Mexicano, encabeza pa Secretario di Obranan Publico di Estado Nuevo Leon, ing. Lombardo Guajardo, kende ta na Aruba specialmente pa e proyecto di embeyecimento di varios parti di nos isla, manera Caya Grandi y San Nicolas.
Prome Minister Eman a expresa cu e proyecto di revitalizacion di centro di ciudad, na unda gobierno a duna e empuhe pa drecha y traha areanan nobo den tur bario, y pa e motibo aki a invita arkitectonan di Hulanda, Merca, Colombia y Mexico.

Minister Sevinger a bisa cu ta hopi importante pa pueblo di Aruba ta bon informa di e vision di Gabinete Eman ta remodela e producto Aruba. Cual nan ta trahando plannan di pa e proximo 4 aña, como tambe mas leu cu esaki, den e ultimo lunanan. Y den e plan aki comunidad henter mester ta envolvi, y pa esaki nos a invita varios experto riba e tereno aki.

Minister Sevinger a menciona cu actualmente tin 4 arkitecto di Merca, kendenan ta parti di “Fact Finding Mission”, cu ta forma parti di un asociacion di ingeniero cu 3 mil miembro di tur parti di mundo, cu ta na Aruba y ta studiando e plannan di Gobierno y duna un bista mundial di esaki.
Ing. Guajardo a entrega na Prome Minister un bunita buki cu ta ilustra varios proyecto di infraestructura realiza na Mexico y na San Diego.

Hunto cu ing. Lombardo Guajardo tabata licenciado Javier I. Balli, kende ta un empresario y constructor, como tambe dr. Daniel Zambrano.

- Advertisement -

DUNA COMENTARIO

Please enter your comment!
Please enter your name here