Home Politica Synergia entre Ministerio di Turismo y di Cultura ta e siguiente paso

Synergia entre Ministerio di Turismo y di Cultura ta e siguiente paso

0
0
SHARE
- Advertisement -

paulcroesPresidente di Comision di Turismo den Parlamento drs. Paul Croes
ORANJESTAD (AAN): Aña 2009 y 2010 ta añanan di retonan grandi pa nos isla. Cu un gobernacion e ultimo añanan cu focus principal tabata concentra riba un grupo chiquito aki na Aruba, e enfasis awor mester ta cu henter comunidad mester ta envolvi den e progreso di nos isla. Cu esaki na mente comunidad henter mester ta convenci cu aporte di cada un di nos ta necesario pa mantene e desaroyo di nos isla.


Cultura ta un parti esencial di nos product esta e One Happy Island. E laso entre e dos indentidadnan encarga pa maneho di turismo y cultura den e caso aki mester yega na un structura di trabou conjunto.

Maneho y promocion di nos cultura, mester tambe enfoka riba e turistanan cu ta bishita nos isla. Pa ananan e dos Ministerionan aki no a conoce un Synergia. Esaki ta e momento propicio pa reenforsa e lasonan entre e dos Ministerionan aki pa asina e desaroyonan riba ambos tereno cana man den man.

Cu synergia entre e dos Ministerionan mi ta referi na mas intercambio Cultural den e sector turistico. Cu workshops, lecturanan y eventonan organisa hunto, e balor cultural ta haya espacio y yega mas serca di nos bishitantenan.

Ademas mester focus riba esnan aki na Aruba pa duna mas balor na nos Cultura, pa na momento di sirbi of informa un bishitante esaki wordo informa corectamente. E balor cultural y historico di nos isla mester ta inculca den nos hendenan y e Arubianonan nobo.

Cu balornan cultural nos ta pensa riba nos hendenan, nos profesiolnan, nos edificionan monumental, tradicion y eventonan festivo cultural y nos cushina. Tur esakinan ta parti di e producto Aruba.

Den e balornan aki no por laga afo e calor di e Arubiano y e cultura di cordialidad di nos hendenan. Tur esakinan mester ta parti di e maneho futuro pa exito di desaroyo di nos isla.

Nos ta boga pa synergia entre turismo y cultura manera ta e caso awor entre e diferente stakeholders den sector di turismo. E synergia aki mester resulta den envolvimiento di henter comunidad den nos desaroyo.

- Advertisement -

DUNA COMENTARIO

Please enter your comment!
Please enter your name here