Home General Ta prematuro pa papia di posibel otro Alto Comisario, tanten de Witte...

Ta prematuro pa papia di posibel otro Alto Comisario, tanten de Witte tey ainda

1
0
SHARE
- Advertisement -

avparthurdowers-3Segun Minister di Husticia,
ORANJESTAD (AAN): Durante un entrevista cu Minister di Husticia Arthur Dowers riba e hecho cu pronto Alto Comisario de Witte lo por ta bandonando cuerpo policial di Aruba pa bay traha na St. Maarten, a puntre si tin candidatonan cla caba pa tuma puesto di de Witte. Dowers a bisa cu tin personanan cualifica pa e puesto, pero ta tiki prematuro pa papia riba esey, tanten cu no tin un decision definitivo di Alto Comisario ainda. E Minister a bisa cu e ta prefera di sinta prome cu de Witte dentro di dos siman, pa despues por tin mas informacion.
DIARIO a puntra e Minister si inspector y alto inspectornan capacita den cuerpo policial por haya e oportunidad di bira Alto Comisario, of ta asina cu e Comisarionan cu tin actualmente ta bin na remarke prome.

E mandatario a bisa cu den KPA tin herarkia y esey ta mustra dimes ken lo por bin na remarke y no ta asina cu un alto inspector lo por bin na remarke prome cu un Comisario.

El a sigui bisa si cu mester warda pa de Witte tuma su decision y cu no ta completamente na su lugar pa specula riba tur e detayenan aworaki.

DIARIO a puntra e Minister si Hulanda tin un rol den e decision di ken por bira Alto Comisario y e Minister a bisa cu no.

Nombracion di un Alto Comisario ta un tarea autonomo di un Gobierno y di Minister di Husticia y no un responsabilidad di Hulanda.

Ta solamente si tin problema y Aruba solicita pa ayudo for di Hulanda, Hulanda lo por worde envolvi den esaki.

Esaki segun Minister Dowers.  DIARIO a puntra e mandatario si e lo prefera un yiu di tera na cabez di cuerpo policial y e Minister a bisa cu cuerpo policial tin hendenan califica.
DIARIO a puntra e Minister tambe riba e rumornan cu tin cu ta bisa cu Gerold Dompig lo ta biniendo back pa traha den KPA, pero e Minister a bisa cu e no tin e informacion ey.

“Na momento cu e informami di esey, lo mi informa boso, pero mi no ta informa di esey”, segun Dowers. DIARIO a puntre tambe si cuerpo policial tin mester di mas comisario y el a bisa cu si Alto Comisario de Witte dicidi di bay, e ora lo papia di esey.

- Advertisement -

DUNA COMENTARIO

Please enter your comment!
Please enter your name here