Home General Tres ora di accion di protesta di trahadornan Thiel Corporation

Tres ora di accion di protesta di trahadornan Thiel Corporation

1
2
SHARE
- Advertisement -

thielPasobra nan ta cobrando salario laat:
ORANJESTAD (AAN) — Cu tres ora largo di accion di protesta, para dilanti di e compania, un grupo di trahador di Thiel Corporation NV a expresa nan disgusto, pa cu atraso di salario. Segun señor Dirksz, kende a papia pa DIARIO den nomber di su coleganan, ta asina cu e problema tin cuatro luna ta andando, cu e trahadornan ta cobra laat.
Prome cu Siman Santo nan no a cobra, y esaki ta e di cuatro luna consecutivo cu nan ta haya nan pago laat, y nan a pasa henter e fin di siman largo cu cartera bashi.

Pero esey no ta tur, sino cu nan tin cuentanan pa paga, entre otro na banco, y ta conoci cu un cliente cu ta atrasa su pago na banco ta haya boet.
E trahadornan, Dirksz a indica, a fada di e situacion aki, pa cual nan no ta haya ni un splicacion satisfactorio di gerencia ni di e doñonan mes di e compania.

Nan argumento ta cu ta e banco unda nan salario ta pasa tin fout, pero banco ta bisa cu ta e compania ta desposita e placa laat.

Pesey, aunke diamars nan a cobra, e trahadornan a dicidi pa tene tres ora di protesta, pa mustra e compania nan malcontento anto cu nan ta spera cu e situacion aki no bolbe sosode.

Un remarca cu Dirksz a haci ta, ta cu no tur trahador ta worde paga asina laat, pero net esnan cu ta afilia na un sindicato. Esaki ta nifica un grupo di mas of menos 15 trahador.

Durante e accion di diamars mainta, nan no a haya reaccion di e doñonan di trabao, cu por a mustra nan cu nan a compronde nan situacion y cu nan punto di bista tin balor pa nan.

Riba potret por aprecia imagen di e grupo concerni di trahadornan durante nan accion di protesta.

- Advertisement -

2 COMMENTS

  1. Wel esaki tambe ,ta pasando na un projecto di gobierno cu e compania aki tin na palisiaweg. un sub-contratista cu ta traha pa e compania aki,tampoco ta paga su hende nan na tempo, tin biaha nan ta keda tres quincena sin cobra,mi allega di pone diario na haltura caba di e caso akiy nan a wordo parcialmente paga,pero parse cu e situacion ta cohiendo e mesun rumbo,anto e donjonan ta testigo di Jehova,asina mes nan ta ganjanan.

  2. Thiel Corporation,….tur obrero ta digno di su salario!

    Levitico 19:11-13 ta siña
    No hòrta, ni trata ku engaño, ni gaña otro.
    `No oprimí bo próhimo, ni hórt’é.
    `Pago di un homber contrata no mag di keda serca bo henter anochi te mainta.

    Testigo di Johavá, ta djis un religion mas, nada otro, ningun religion ta Salba, e unico cu ta salba ta Cristo Jesús, E yu di e Dios bibo.

    Pasobra,…

    No tin salbashon den ningun otro; pasobra no tin bou di shelu ningun otro nómber ku a wórdu duna na hende, pa medio di cual nos mester wórdu salba.
    Echosnan 4:12

    Pasobra ta ún Dios so tin, i un Mediador entre Dios i hende, e hende Cristo Jesús.
    1 Timoteo 2:5

DUNA COMENTARIO

Please enter your comment!
Please enter your name here