Home Estilo A Instala Directiva Nobo Di Quota International Of Aruba

A Instala Directiva Nobo Di Quota International Of Aruba

6
0
SHARE
- Advertisement -

Entrante 1 di Mei 2010-2011 presidente ta Sra. Luz Marina Gonzalez

quota3ORANJESTAD (AAN):  Diasabra 24 di April 2010 den Renaissance Conference Center a tuma lugar e instalacion di e directiva entrante 1 di mei pa aña 2010-2011.

    Maestra di ceremonia tabata señora Audrey Croes-Lacle. Presente na e ocasión especial aki tabata Gobernador di Aruba, sr. Freddis Refunjol, y su esposa, Señora Clarette Refunjol, cu a presenta e invocación. Tambe presente na e ocasión aki tabata representantenan di e otro clubnan di servicio.  

   Annemieke Dijkhout, Gobernador di Distrito 42, a conduci e ceremonia di instalacion. Señora Dijkhout a gradisi e directiva saliente, bou di guia di Presidente saliente Suzy Maduro pa nan trabao durante e aña aki.

    Miembronan di e directiva saliente ta Evelyn Wever-Croes, Muzaninn Wever, Jeanette Solognier, Ivy Simon, Juliska Harms, Ursie Nassy y Chima Arendsz.

    Suzy Maduro den su discurso a gradici su team y tur e miembronan di Quota cu a yuda pa tur e logronan di e club e aña aki. el a refleha riba e necesidad pa yuda otronan cu tin mester. el a bisa: “Apesar cu nos ta bibando den temponan di incertidumbre ta temponan di gran oportunidadnan pa e clubnan di servicio. Mientras e cantidad di hende cu mester ayudo ta multiplicando debi na e crisis economico, e aumento di enfermedadnan den nos comunidad y desasternan natural di otronan, hende tur caminda ta buscando ayudo. Si nos por yuda, nos mester yuda.”

    Suzy Maduro tambe a subraya cu e aña aki Quota a acepta cambionan y asina a logra bay extra miyanan den diferente proyecto.  Por ehempel, Quota International of Aruba a trece pa prome bes Aruba e Quota International South Area Meeting na unda delegadonan for di diferente partinan di Merca a acudi hunto cu e paisnan cu ta forma districto 42

- Advertisement -

DUNA COMENTARIO

Please enter your comment!
Please enter your name here