Home General Abuso Di Mucha Tin Relacion Cu Formacion Di Gang Aki Na Aruba

Abuso Di Mucha Tin Relacion Cu Formacion Di Gang Aki Na Aruba

11
1
SHARE
- Advertisement -

Sra. Trudy Hassel:

Actualmente tin 29 gang 

ORANJESTAD (AAN)* Segun sra. Trudy Hassel, hopi di nos no sa kiko ta pasa tras di porta di famia, e abusonan cu ta tuma lugar contra di e mucha. “Un señora di 75 aña a yama mi na trabao y a bisa mi di ta content cu tin un grupo cu ta durf di papia tocante e tema di abuso sexual di mucha.

E mes tabata un victima na unda cu su omo a abusa di dje tempo e tabatin 8 aña y ora cu ela bay bisa su mayornan, ela haya como contesta pa no bisa ningun hende pa motibo di berguenza pa famia.” Esaki ta ilustra cu e tema tocante abuso sexual contra di mucha no ta un tema di awor sino ta tuma tempo desde generacionnan largo.

Pa Fundacion Let’s Talk, a cuminsa e aña aki cu varios projecto, un workshop di abuso di mucha y su relacion cu formacion di gang aki na Aruba. “Den mi experiencia trahando cu gangnan aki na Aruba, cu actualmente tin 29 gang di varios edad, varios di miembronan di e gangnan aki a bisa cu nan tabata vicitma di abuso sexual tempo cu nan tabata chikito.” Asina sra. Hassel a duna di conoce.

E mucha cu tabata victima di diferente abuso, manera abuso sexual, psycologico, fisico, emocional y di agresividad ta desplega esaki ora cu e bira mas grandi.  Lo bin tambe cu un conferencia hubenil tocante e berdad tras di droga y alcohol, na unda cu ta spera dip or reach entre 5 pa 8 mil hoben di educacion secundario, tambe final di schoolnan basico.

Otro projecto cu lo wordo trata ta e “Muhernan cayente y hombernan abusador”. Esaki ta un tema cu a wordo scohi hunto cu dr. Jeffrey di Carlo, pa motibo cu riba YouTube por mira kiko e hende muhernan awendia ta haciendo durante e diferente happy hour den barnan.  

Aki sorpresivamente norma y valor ta zoek y e comportacionnan ta laga hopi di desea cu no ta e miho ehempel na nos muchanan y hubentud. No mester lubida cu loke nan ta wak na tambe ta haci. Colega Jubi Naar lo presenta un comedia satiric cu e titlo “Muhernan modern y hombernan di cueba”.

Den e obra teatral aki lo analisa comportacion di e ser masculino y e consequencia pa e muchanan riba caya. Por ultmo lo tin Let’s Talk Kids na unda cu via di poppekast lo combersa cu e chikitinnan di 4 te 10 aña.

Lo presenta e tema “Kiko bo kier bira ora di bira grandi” y lo trata e tema di termento y tentamento cu a cuminsa aumenta atrobe na e schoolnan.

Pa loke ta e boothcamp, esaki lo tuma lugar na KIA pa motibo cu tin gran cantidad di hoben cu ta sera den KIA. E cifranan ta mustra cu ta di mas halto durante e ultimo añanan cu ta algo alarmante.

Hibando e boothcamp KIA ta pa duna e hobennan cu ta sera eyden instrumento y reglanan pa asina nan por tin mas disiplina.

- Advertisement -

1 COMMENT

  1. Mi mes tabata un mucha ku a wordu abusa no solamente pa mi tata,pero door di dos ruman homber tambe y mi a wordu malamente maltrata ora mi kier a pone un stop na esei door di mi tata, esta ora mi tabata tin 8 of ta 9 anja mi a bin hanja sa ku no ta bon loke tabata sosode kumi,pero desde e momento ei mi tata a kuminsa maltratami na un manera masha horibel mes,mi mama a muri lagami ku 16 anja y desde e tempo ei mi a kuminsa huma marijuana,pero ora mi a kai na estado ku 17 anja mi a disidi di stop,despues ku mi a kaba di hanja mi jui,mi a kumisa bek pero mi a bai mas profundo mi a kumsa hala coka tambe y asina a pasa anjas te ora ku mi a kuminsa huma base,esta crack,door ku mi no tabata por ku e dolornan kumi tabata hanja den mi kara ora ku mi tabata baha di e haltura di coka,mi a keda hopi anja ta usa basecrack,entre medio mi a kuminsa bai un iglesia na anja ’83,pero e hendenan no tabata sa kon pa juda un hende kumi problema y asina mi a keda kai bek mientras tantu na Hulanda mi a kai den prostutishon,y mi a kuminsa na trata di mata mi kurpa diferente biaha,pero kada biaha tabata tin algo ku tabata strobami,mientras tanto mi a hanja e malesa ku jama syfilis y diferente otro sorto di malesanan di kaja,pero danki na Dios ku mi a wordu sana door di e grasia di Dios di nan,mi pulmonnan tambe a danja,pero esei tambe Dios a sana,y mi tabata un hende ku a bira paranoiko kroniko te ku mi tabata ataka hendenan,pero danki na Dios atrobe mi a wordu sana di esei tambe,y na anja 1999 mi a bin risibi liberashon total di tur kos y mi ta un hende awor ku ta biba un anja y tres luna bek na Aruba y ta asisti na un Iglesia lokal y pa grasia di Dios mi ta predika e palabra di Dios y mi ta trahando ku e addiktonan riba kaja y mi ta purba di judanan,tur e relato aki ta pami engrandese e nomber di nos Dios,esta Senjor Hesus,mi deseo ta pa un dia Dios por habri un porta pami kuminsa papia ku e muchanan na skool pa mi por trese un advertensia na nan,ku ta asina ami a kuminsa ,ku un jointje,esta marihuana y nunka mi por a imagina kumi bida por a bai asina y tambe mi kier bisa ku mi a risibi sanashon di tur mi heridanan interior ku a wordu kausa pa abuso seksual y abuso fisiko y mental,pasobra mentalmente tambe bo por wordu abusa,pero mi ta duna Dios danki y tur honor y gloria ta pa mi Senjor Cristo Hesus,danki na boso ku mi por a hanja e oportunidad aki pa por a komparti mi historia di bida encuanto e tema aki,masha danki y ku boso por sigi ku e bon trabau aki,lo mi tene boso den mi orashonnan.Danki.

DUNA COMENTARIO

Please enter your comment!
Please enter your name here