Aruba conoce su ganadornan di 9 Competencia di Arte Recicla di AHATA
ORANJESTAD(AAN)– – AHATA Comision di Medio Ambiente por wak atras ‘riba un di 9 Competencia di Obra y Arte Recicla como uno hopi exitoso. Rond di 750 persona a bay wak e competencia na nos Biblioteca Nacional O’stad y San Nicolas y hopi tabata esnan cu a keda impresiona cu e creatividad di e participantenan.
E aña aki 10 school, 10 hotel/grupo y 14 individual (amateur y profesional) a participa. A traha un total di 245 obra. E huradonan Astrid Britten, Carl Eduard Fielmich & Sharida Moreno tabata tin un tarea hopi dificil pa por a scoge e ganadornan. Un danki na nan tres pa nan tempo y dedicacion.
Den categoria School Prepatatorio: “Imelda Kleuterschool” a gana e prome, di 2 y di 3 lugar!, Den categoria School Basico 1-3: Na prome lugar “Colegio Conrado Coronel”, Den categoria School Basico 4 – 6: Na prome lugar “Maria School”, di 2 lugar: Kukwisa School y na di 3 lugar: Maria School. Den categoria School Secundario: Na prome y di dos lugar “Filomena College MAVO”, na di 3 lugar: Colegio San Augustin. Den categoria individual (principiante): Na prome y di dos lugar “Antonia Santa Cruz Cardona” y na di 3 lugar: Agnes Leslie. Den categoria profesional: Na prome lugar Edgar “Poppy” Kock y na di 2 lugar: Ephraim R. Britten, Den categoria di Hotel/negoshi/grupo: A sali na prome lugar “Amsterdam Manor Beach Resort” Na di 2 lugar: Manchebo Beach Resort & Spa y na di 3 lugar: Bucuti Tara Beach Resort.
Tur participante a haya un certificado di participacion y e ganadornan a ricibi diferente premio duna door di tur e sponsornan. Un danki special ta bay na tur e sponsornan, ya cu sin nan aporte e competencia aki no lo tabata posible. Un danki masha grandi na Biblioteca Nacional di playa y San Nicolas, cu tur aña ta yuda cu nan sala di exposicion, AHATA, De Palm Tours, Bucuti Beach Resort, Aruba Marriott Ocean Club , Aruba Marriott Resort & Stellaris Casino, Salamander Holdings, Burger King, Banana Bus, ARUBUS, Taco Bell, Red Sail Sports, Rancho La Ponderosa, Casa del Mar, El Tours, Wendy’s, Occidental Grand Aruba, La Cabana Beach & Racquet Club, Radisson Aruba Resort Casino & Spa, Pelican Adventures, Manchebo Beach Resort & Spa, Intermezzo Day Spa, The Westin Aruba Resort, Hyatt Regency Resort & Casino, Amsterdam Manor, Renaissance Aruba Resort & Casino, Tropical Bottling Company, ECA, Holiday Inn, Fantastic Gardens, Divi MegaResorts. Un danki tambe na tur miembronan di prensa cu e cobertura na e competencia y e miembronan di AHATA Comision di Medio Ambiente, pa nan tempo liber dedica na e evento aki. Danki na SETAR ta bai rifa otro siman un telefon entre tur e personanan cu a bishita e competencia. AHATA ta pidi tur participante cu ainda no a recoge nan obra di arte pa pasa na Biblioteca San Nicolas mas lihe posible. Na Aña 2011 ta conta atrobe riba henter nos comunidad pa nan participacion! Masha danki!
