Home Estilo Ateliers ’89 Cu Charlanan Di E Famoso Historiador Di Arte Internacional, Drs....

Ateliers ’89 Cu Charlanan Di E Famoso Historiador Di Arte Internacional, Drs. Adi Martis

0
0
SHARE
- Advertisement -

ORANJESTAD(AAN)– Seguninformacino di Atlier ’89, ainda tin lugar pa inscribi pa e charlanan  cu Drs. Adi Martis cualnan lo cuminsa Diamars 18 di Mei y lo ta na Ateliers ’89, situa na e otro banda di crusada di Maria College na playa.

E workshop aki ta pa dos siman y ta core e prome siman, di Diamars pa Diabierna y e siguiente siman, di Dialuna pa Diahuebs. Horario ta di 6.30 pa 8.30 PM.

E idioma lo ta Hulandes y Papiamento.

E seminario aki  ta uno a la Master Class y esaki ta uno tambe cu lo bo no tin cu perde. Ya cu e ta un ocasion unico. Pesey yama mas pronto posibel ,Director Elvis López na Tel. 588 577 6, o na Cel 565 46 13 pasobra e cuponan ta limita.

Dr. Adi Martis: De todo un poco

Aki bao ta sigui splicacion di parti Sr, Adi martis mes, di e charlanan cu e lo tene.

“Redactando mi charlanan pa Ateliers‘89 mi a saca mi topiconan for di e sorto di temanan na cual mi a dedica mi mes ultimo añanan,. E resultado ta un serie hopi varia. Mi ta spera cu e lo ta na boso agrado.

18 mei: Kunst van het “Niet-Westen”: van Primitivisme tot Documenta XI

E serie lo cuminsa cu un charla tocante historia di evaluacion di arte no occidental.

Mi lo papia entre otro tocante di obranan di artista europeo cu den fin di siglo diesnuebe y comienso di siglo binti a busca nan inspiracion den arte “primitivo” (entre otro tocante obra di Paul Gauguin, Picasso y Paul Klee), Outsider Art y Art Brut (Jean Dubuffet).

Tambe lo mi elabora algun exposicion cu tabata importante pa nan evaluacion, por ehempel Documenta 11 na  Kassel na anja 2002.

19 mei: Arte contemporaneo den Caribe I

Dos charla lo ta dedica na arte di Caribe. Esun di prome ta tematico.

A base di algun tema cu nos por mira hopi den arte plastico di  Caribe, mi lo elabora obranan di artistanan di entre otro Antillas Hulandes, Aruba, Barbados, Cuba, Surnam y Trinidad.

20 mei: Arte contemporaneo den Caribe II

E di dos charla di arte di Caribe lo ta dedica na desaroyonan recien na Antillas Hulandes, Aruba y Surnam.

21 mei: Fotografia y arte plastico

For di invento di fotografia den e prome cuarto di siglo diesnuebe tin un influencia mutuo di e medio nobo aki y e medionan tradicional di arte plastico. E historia ‘ki, for di siglo diesnuebe te awendia ta topico di e charla aki.

24 mei: Fotografia di guera

Fotografia documental ta un di e generonan di e medio cu ta wordo traha for di su invento.

Cu algun ehempel di e Guera Civil Mericano, Prome y di dos Guera Mundial, Guera Civil Spaño y Guera na Vietnam lo mi papia tocante fotografia di guera.

25 mei: Tecnica digital y arte plastico

Nos ta bibando den un “Post-Medium Condtion”, den cual artistanan plastico no ta mara na un medio mas. Tecnicanan digital ta den pleno atencion. Den e charla ‘ki lo mi trata historia di computer y uso di tecnica nobo digital den arte plastico, fotografia, arte di video y arte cu ta usa internet.

 26 mei: Cultura Visual

Como historiador di arte mi no ta dedica mi mes solamente na High Art, pero tambe na Cultura visual, na e manera cu sierto imahennan ta wordo usa den comunidad. Den mi penultimo charla lo mi demostra e saki cu historia di jeans.

27 mei: Coda

Mi ultimo charla ta habri ainda. Lo mi duna un resumen y dependiendo di mi experensia lo mi trata algun topico », el a splica di su charlanan.

 

.

- Advertisement -

DUNA COMENTARIO

Please enter your comment!
Please enter your name here