ORANJESTAD (AAN): Un hoben a keda herida riba un quadracer Banshee na San Barbola. Kico a pasa exactamente no ta mucho cla ainda. Loke por bisa ta cu e hoben riba e foto a perde control parce y bolter cu su quadracer. E tabata bay direccion pariba drentando Meiveld y a baha caminda na man robez di caminda dilanti di Ex El Fogon. E brommer di cuater wiel a saca e hoben di cabez ora cu el a cuminsa bolter. E wiel dilanti banda drechi a ranca completo cu su shocks.
Polis di Oranjestad a worde manda cu urgencia den direccion di e accidente. Dos unidad di ambulance a presenta na e lugar di accidente. Nan a yuda e hoben herida cu no tabata totalmente na tino. A hibe hospital pa un chekeo.
Algun amigo y ruman tambe a yega net ora cu e personal di ambulance a yega na e lugar. Polis a pidinan pa no stroba e personal di ambulance pa haci nan trabao.
