Home Policial Cabez di difunto saca di graf poni cara pa caya

Cabez di difunto saca di graf poni cara pa caya

4
0
SHARE
- Advertisement -

ORANJESTAD.(AAN);– E falta di respet pa defunto a bira alarmante. Ta increibel cu tin persona sin escrupulo ta biba riba e pida baranca aki cu mente maligno y cu ta kibra kelder of coba graf, destrui caha den cual ta drumi curpa di ser humano cu ta sosega eternamente. Den pasado a yega di sosode casonan similar, hasta lo a basha bala riba graf, bora caha di morto. Tambe a wordo reporta otro caso condenabel ora cu a kibra graf habri caya horta pertenencia di e defunto.
Su moneda di oro, renchi oro, armband di oro y su trouwring, tambe di oro, ladron desconoci a kita for di curpa di e defunto.
Mientras den santana protestant tambe dos urna cu ta contene shinishi di defuntonan a desaparece. Diadomingo ultimo den santana catolico situa den Caya Ernesto Petronia den oranan di merdia, central di polis a wordo informa cu un kelder a wordo kibra.

Tanto patruya di polis, tambe representante di Momentomori Funeral Home ademas personal di departamento tecnico di polis a acudi den Santana. Enberdad un graf aparentemente di basta aña a wordo destrui pa malhechor desconoci ademas tin fuerte sospechoso cu e acto a wordo comete pa choller.

E caha a wordo habri y cabez di e defunto a wordo saca y poni for di e caha, direccion pa porta.
Na hulandes expresa e “grafschennis” ta un acto hopi serio y castigabel. E cabez di e defunto a wordo poni bek den e caha y a kelder a wordo sera pa asina tambe e defunto sigui sosega eternamente.

Ta di spera esnan encarga cu yabi di santana pasa revisa e graf , keldernan debi e situacion cu a presenta ta desagradabel ademas falta di respet. Henter comunidad ta condena e locual a tuma lugar.

- Advertisement -

DUNA COMENTARIO

Please enter your comment!
Please enter your name here