Home General Campaña Pa Vacuna Mucha Entre 6 Y 19 Contra Hepatitis B.

Campaña Pa Vacuna Mucha Entre 6 Y 19 Contra Hepatitis B.

1
0
SHARE
- Advertisement -

ORANJESTAD(AAN): Durante un entrevista a puntra Latifa Mercera di Departamento di Malesanan Contagioso(DBZ), tocante e problema di Hepatitis B.

Segun sra Mercera, for di algun dia na DBZ nan a ‘brain storm’, pasobra DBZ a ripara cu casonan di Hepatitis B. ta aumentando na Aruba.

E ta un malesa cu por ta mortal.

E ta pasa via contacto sexual y tambe di sanger pa sanger y di mama pa yiu.

Mercera a sigui bisa cu mirando cu e embarazo hubenil a cuminza subi y esey ta un indicacion cu sex ta wordo hasi sin proteccion.

Di e manera ey Hepatitis B por wordo transmiti facilmente.

Mirando e hecho cu Wit Gele Kruis na 2003 a Cuminza vacuna e babynan cu ta nace caba contra Hepatitis B., DBZ a pensa cu e muchanan cu a keda sin haya vacuna contra Hepatitis B. prome cu 2003 no ta proteha.

E ora ey DBZ a pensa pa hasi algo grandi, pues e intencion ta pa vacuna e muchanan di entre 6 y 19 aña.

E vacuna ta costa 27 florin pa cada ‘prik’, cu ta un prijs hopi mas barata cu e prijs di pasado.

E campaña ta consisti di 3 vacuna.

Ora bo haya e prome vacuna, bo tin cu haya e di dos vacuna despues di 1 luna y e di tres despues di 6 luna.

Bo mester haya tur tres vacuna pa bo ta safe.

Ta asina tambe cu despues di 10 aña bo tin cu laga check bo sanger pa wak si ainda bo ta traha anti-curpa contra Hepatitis B.

Ta hopi bon pa e muchanan tuma e vacunanan, pasobra diferente universidad rond mundo ta exigi pa bo a haya un vacuna contra Hepatitis B.

- Advertisement -

DUNA COMENTARIO

Please enter your comment!
Please enter your name here