Home Hudicial Casonan penal na Corte diahuebs

Casonan penal na Corte diahuebs

1
0
SHARE
- Advertisement -

JudicialORANJESTAD(AAN): Diahuebs na corte ta bay tuma lugar diferente caso penal. E prome caso ta un caso den cual A.G.R. ta wordo acusa di a comporta su mes di tal manera den trafico cu ta su culpa cu un accidente di trafico a tuma lugar riba 21 di Januari 2007, caminda un y/of dos y/of tres y/of cuatro persona a sufri daño fisico grave, mientras cu R. tabata bao influencia di alcohol.
E ta wordo acusa tambe di a stuur un vehiculo despues di a uza alcohol di tal manera cu e nivel di alcohol den su sanger tabata riba 1.98 miligram.
Despues ta bay tuma lugar un caso den cual R.L. ta wordo acusa di a comete violencia contra un persona riba 18 di Juli 2008, dor di scop e persona aki na su brasa, dal e cu mokete na su curpa y/of tire cu piedra y/of boter.

L. ta wordo acusa alavez di, cu e intencion pa tuma bida di e persona en cuestion, a hinke cu un cuchio den lomba riba 18 di Juli 2008. A.A.T. tambe tin cu presenta dilanti di huez Diahuebs, door cu el a wordo acusa di a intencionalmente destrui bentana di auto di un hende riba 14 di November 2009.

Tambe e ta wordo acusa di a intencionalmente maltrata un persona riba 25 di Januari 2010.
Despues ta bay tuma lugar un caso den cual D.A.H.A. ta wordo acusa di a menaza un persona cu un crimen contra su bida riba 11 di Februari 2010, dor di bise e persona aki: “Mi tin mi fluz poni cla caba pa bay bo entiero, despues cu mi venena bo” y/of “Mi ta bay mata bo”.

Despues di e casonan aki ta bay tin un cantidad di caso cu ta wordo yama “carnavalszaken”, cu tabata tin di haber cu e maneho di “Faya bo Haya” durante periodo di carnaval. E acusadonan cu mester presenta pa e Carnavalszaken ta J.D.K, I.J.B, M.S.H, A.P.S.T, D.W y R.S

- Advertisement -

DUNA COMENTARIO

Please enter your comment!
Please enter your name here