Home Hudicial Castigo Incondicional Di 18 Aña Pa Sheik Hydaralie, Pa Asesinato Di Sra...

Castigo Incondicional Di 18 Aña Pa Sheik Hydaralie, Pa Asesinato Di Sra Hassel Na Savaneta

7
2
SHARE
- Advertisement -

ORANJESTAD(AAN): Diabierna na corte huez a duna su veredicto den e caso contra Sheik Mohammed Alli Hydaralie di British Guyana, kende a wordo acusa di a asesina señora Hassel di 75 aña na Savaneta, riba 10 di October 2009.

Huez a cuminza na bisa cu e ta haya comproba cu Sheik H. a comete e crimen su so.

Huez a bisa cu e no ta kere loke S.H a bisa na corte, pues cu el a bay hunto cu otro persona na e cas.

Tin un testigo cu a bisa cu el a wak 1 persona drenta cura di e señora y tin un otro testigo kende a bisa cu S.H a papia cune y a bise cu el a dal un persona y cu e no sa si e persona ey a keda bibo.

Segun huez, e manera detaya cu Sheik a conta kico a sosode den e cas, ta mustra cu ta e mes a comete e asesinato.

E abogado di e acusado durante tratamento di e caso a bisa huez cu si su cliente a comete e crimen, polis mester a haya sanger riba su paña y su zapatonan y nan no a haya esaki.

Huez a bisa cu e hecho cu no a haya sanger riba paña di e sospechoso muy probablemente ta nifica cu el a tira e pañanan ey afo.

Ta despues di varios dia polis a detene Sheik H. pues e tabata tin hopi tempo pa laba e pañanan of deshaci su mes di nan.

Huez a haya e acusado culpable tambe di a horta den e cas.

Pa loke ta e cantidad di castigo, huez a bisa cu el a tene cuenta cu e manera hororoso y cruel cu e asesinato a tuma lugar.

E homber a bin di atras ora e muher tabata wak television y a dal e cu un martiew na su cabez den sanger frieu.

Huez Diabierna a bisa cu ainda e no por compronde dicon e homber mester a dal e señora di 75 aña 5 biaha cu e martiew na su cabez, siendo cu semper e señora a trate bon, dunando e placa y cuminda.

E huez a sigui bisa cu e asesinato aki a causa hopi dolor na famia di señora Hassel y a trece un shock grandi den comunidad.

Hopi hende especialmente hendenan di edad halto a keda bastante spanta pa loke a sosode.

Huez a mustra tambe riba e hecho cu durante tratamento di e caso, Sheik H. no a mustra niun tiki compasion of remordimento pa loke el a hasi.

Te hasta un sonrisa tabata tin riba cara di Sheik durante cierto parti di tratamento di e caso, segun Huez.

Huez a bisa tambe cu e ta haya cu tin tur indicacion cu e persona aki den futuro lo ta capaz di comete mesun tipo di crimen atrobe.

Pesey huez a bay di acuerdo cu exigencia di fiscal y a duna Shiek Mohamed Alli Hydaralie un castigo incondicional di 18 aña.

- Advertisement -

2 COMMENTS

  1. Dimi party. E putri den e cell I pa ora e pensa di sali elo a muri putri pa mas desgraciado cu e ta pa mata pober doth cu semper tawata sweet

  2. Ma bisa dios no ta drumi e ta paga su castigo sigur I pa cual ela hari mi ta hanja e mester a hanja mas anja pa hasi burla na jues su persona

DUNA COMENTARIO

Please enter your comment!
Please enter your name here