Home General Certificacion a keda cla pa Garantiza Seguridad, Grua Di Apa Lo Wordo...

Certificacion a keda cla pa Garantiza Seguridad, Grua Di Apa Lo Wordo Certifica Tur Aña

0
0
SHARE
- Advertisement -

Alfonso Boekhoudt director: 

ORANJESTAD (AAN):  Algun siman pasa cu e crane di APA a sali for di funcion a keda di drenta bek den servicio dialuna dia 3 di Mei.

    Dia y anochi a traha riba e crane cu tabata den mal condicion. Dialuna 3 di Mei a keda di certifica esaki pa e drenta bek den funcion.

    Na momento cu keda cla cu expertonan y certificacion lo cuminsa traha mesora dialuna mes. Despues di e certificacion di 90 dia lo tin mas trabao pa tuma lugar.

    Alfonso Boekhoudt director di APA den entrevista a splica kico ta bay sosode di awor en adelante.

     El a señala cu berdad ayera tabata e dia cu nan a planea pa pone e crane bek den funcionamento. A indica cu esaki ta e prome stap den e solucion permanente cu APA tin pa garantiza cu e trabaonan ta sigui.

   Nan a haci e trabaonan necesario pa pone e crane den servicio bek pa cu ayera. Nan a traha te hasta den weekend y nan a yega asina leu cu nan ta kere cu e crane por wordo certifica, a bisa.

  E certificacion ta algo cu mester tuma lugar door di expertonan y esey ta loke tabata tin planea pa ayera.   Ayera mainta tabata tin expertonan local y DTI cu a bay wak e crane. Tambe tabata tin un experto internacional,  esun cu ta haci e certificacion di e grua.  El a keda di haci inspeccion ayera mainta y despues di esey, ora cu nan ta cla cu nan tin e certificado den nan man, lo cuminza traha bek cu e grua ya caba pa den oranan di anochi, a indica.

    Segun Boekhoudt, nan a scoge un acercamento di dos stap pa cu e solucion. E prome paso ta cu nan ta bay certifica e grua aki pa 90 dia pa asina cu nan por cuminza traha cune, pero na mesun momento pa percura cu tin cierto trabaonan no ta bay wordo poni den planning mucho leu.

   A palabra tambe cu e trabaonan ey mester tuma lugar dentro di 90 dia pa cual a opta pa un certificacion di 90 dia,  esta 3 luna.

   Despues di e periodo aki e experto ta bin un biaha mas y ta controla si e otro trabaonan cu tambe a mira cu mester tuma lugar,  cu eseynan tambe tuma lugar y despues di esey e grua ta wordo certifica pa 1 aña, a laga sa.

   A partir di e momento aki, e grua lo wordo certifica anualmente,  a agrega.

     Alfonso Boekhoudt a enfatiza cu esaki ta algo nobo. E grua semper a funciona y a duna e servicio manera cu su specificacionnan tecnico tabata ta.   Pero esaki no tabata algo cu tabata wordo certifica ningun aña.

    Aworaki pa motibo di tur e preocupacionnan cu a lanta door di esnan cu ta traha cu e grua y otro hendenan cu no ta tecnico, APA a dicidi cu pa por garantiza tog e nivel cu mester di e trabaonan di mantencion cu ta tuma lugar,  pa tur hende por sinti nan mes trankil, lo keda certifica e grua aki tur aña.

- Advertisement -

DUNA COMENTARIO

Please enter your comment!
Please enter your name here