Home Estilo Coffee House Aruba A Premia Mama Cliente

Coffee House Aruba A Premia Mama Cliente

2
0
SHARE
- Advertisement -

Marie-Christien Croes awor por disfruta mas di productonan di Smit & Dorlas

mother'sday basket CoffeehouseORANJESTAD (AAN): Relaciona cu celebracion di Dia di Mama, Coffee House Aruba recientemente a entrega un basket yena cu productonan di “Smit & Dorlas” na Señora Marie-Christien Croes.

  Tur mama cu ta cliente di Coffee House Aruba mester a yena nan nomber y tire den un tombola.

Den un record di tempo e tombola a yena. Tur e fiel bebedo di bon koffie no kier a perde chens di gana e macuto yena di producto.

Recientemente a saca e nomber ganador y Señora Marie-Christien Croes a resulta esun cu tabatin e suerte di por disfruta di un variedad di productonan di Smit & Dorlas na su cas y oficina.

  Coffee House Aruba ta situa dilanti di Imelda Kleuterschool y ta un lugar ideal pa por topa un rato, come un sandwich y disfruta di un dushi koffie cu bolo of purba un di e variacion grandi di productonan di Smit & Dorlas. E hecho cu clientenan por scohe entre sinta paden den airco of pafor den aire liber ta loke mas ta duna Coffee House Aruba su toke special.

   Aki por mira momento cu Jillianne Nicolaas-Wernet, supervisora di Coffee House Aruba ta entregando e basket yena cu un cantidad di producto di e mihor marca di koffie na mundo, esta Smit & Dorlas Koffie  na e feliz ganadora.

- Advertisement -

DUNA COMENTARIO

Please enter your comment!
Please enter your name here